സുരക്ഷിതമായി നിക്ഷേപിക്കാം 9.75% വരെ നേട്ടമുണ്ടാക്കാം

8 വർഷംവരെ നേട്ടം ഉറപ്പാക്കാം • നിക്ഷേപത്തിന് കേന്ദ്രസർക്കാർ ഗാരന്റി

- ബാലകൃഷ്ണൻ തക്കങ്ങോട്

ബാങ്ക് സ്ഥിരനിക്ഷേപ പലിശ കുറയുന്ന സാഹചര്യത്തിൽ ഉയർന്ന സുരക്ഷയും മികച്ച നേട്ട വും ലഭിക്കുന്ന പദ്ധതികൾ തേടുകയാണോ നിങ്ങൾ? എങ്കിൽ സീനിയർ സിറ്റിസൺ സേവിങ്സ് സ്കീം (SCSS) എന്ന പോസ്റ്റ് ഓഫിസ് പദ്ധതി പരിഗണിക്കാം. കേന്ദ്ര സർക്കാർ ഗാരന്റിയുള്ള പദ്ധതിയിൽ 8.2% ആണ് പലിശ. എന്നാൽ ബുദ്ധിപൂർവം കൈ കാര്യം ചെയ്താൽ 9.75% വരെ നേട്ടമെടുക്കാനുള്ള അവസരവും ഇതിൽ ലഭ്യമാണ്.

സീനിയർ സിറ്റിസൺ സേവിങ്സ് സ്കീം (SCSS)

ലഘുനിക്ഷേപങ്ങളിൽ ഏറ്റവും കൂടുതൽ പലിശ ലഭിക്കുന്ന ഈ പദ്ധതി മുതിർന്ന പൗരന്മാർക്കുള്ളതാണ്. ആർബിഐ റിപ്പോ നിരക്ക് കുറച്ചിട്ടും പദ്ധതിയുടെ പലിശ താഴ്ത്തിയിട്ടില്ല. സെപ്റ്റംബർ 30വരെ നിരക്ക് 8.2% ആയിരിക്കും. അതിനു മുൻപ് നിക്ഷേപം നടത്തിയാൽ അടുത്ത 8 വർഷത്തേക്ക് ഉയർന്ന നേട്ടം ഉറപ്പാക്കാം. എല്ലാ പോസ്റ്റ് ഓഫിസുകളിലും ബാങ്കുകളുടെ ശാഖകളിലും അക്കൗണ്ട് ആരംഭിക്കാം.

ആർക്കെല്ലാം?

60 നു മേൽ പ്രായമുള്ളവർക്കുള്ള പദ്ധതിയാണിത്. എന്നാൽ 55 വയസ്സിൽ വിരമിക്കുന്നവർക്കും 50ൽ വിരമിക്കുന്ന പ്രതിരോധ സേനാംഗങ്ങൾക്കും നിക്ഷേപിക്കാം. വിരമിക്കൽ ആനുകൂല്യം ലഭിച്ച് ഒരു മാസത്തിനകം നിക്ഷേപം നടത്തണം എന്നതാണ് നിബന്ധന. ഒറ്റയ്ക്കോ ജീവിതപങ്കാളിയുമായി ചേർന്നോ അക്കൗണ്ട് ആരംഭിക്കാം. ഇന്ത്യയ്ക്കു പുറത്തു താമസിക്കുന്നവർക്കു പദ്ധതിയിൽ ചേരാനാകില്ല.

എത്ര നിക്ഷേപിക്കാം?