ലിസ്റ്റ് ചെയ്യാത്ത ഓഹരിയും വാങ്ങാം നേട്ടവും കൊയ്യാം

പുതിയ അവസരം

- 

കൊച്ചിൻ ഇന്റർനാഷനൽ എയർപോർട്ട് ഓഹരി ലിസ്റ്റ് ചെയ്തിട്ടില്ലെങ്കിലും ഭാവി വളർച്ചാസാധ്യത പരിഗണിച്ച് അതിൽ നിക്ഷേപിക്കാൻ ആഗ്രഹിക്കുന്നവർ ഏറെയാണ്. അതുപോലെ ബിഎസ്ഇ ഓഹരിയുടെ സമീപകാല കുതിച്ചു കണ്ട് നാഷനൽ സ്റ്റോക് എക്സ്ചേഞ്ചിന്റെ ഓഹരികൾ ലഭിക്കുമോ എന്ന് അന്വേഷിക്കുന്നവരുടെ എണ്ണവും കൂടുകയാണ്. കാരണം ഈ ഓഹരികൾ ഇപ്പോൾ വാങ്ങിയാൽ പിന്നീട് ലിസ്റ്റ് ചെയ്യുമ്പോൾ നല്ല നേട്ടം ലഭിക്കുമെന്ന വിശ്വാസമാണ് അതിനു പിന്നിൽ. അതായത്, നല്ല കമ്പനികളുടെ സ്റ്റാർട്ടപ്പു കളുടെ തുടക്കകാലത്തു തന്നെ നിക്ഷേപിക്കാനുള്ള അവസരം ലഭിക്കും എന്നതാണ് അൺലിഡ് ഓഹരി നിക്ഷേപത്തിന്റെ മേന്മ. കമ്പനി വളരുന്നതിനൊപ്പം നിക്ഷേപവും വലിയ രീതിയിൽ നേട്ടം നൽകും. പിന്നീട് ഈ കമ്പനി ഓഹരി വിപണിയിൽ ലിസ്റ്റ് ചെയ്താൽ നേട്ടം പല മടങ്ങാകുകയും ചെയ്യാം.