അറിയണം ഈ 10 കാര്യങ്ങൾ

ഓൺലൈനായി റിട്ടേൺ എളുപ്പത്തിൽ സമർപ്പിക്കാം. എങ്കിലും മുന്നൊരുക്കങ്ങൾ കൂടിയേതീരൂ. ചില വസ്തുതകൾ മനസ്സിലാക്കിയാൽ നല്ല തുക റീഫണ്ടും നേടാം. അവ എന്തെല്ലാമെന്ന് അറിയാം.

- 

1 ശരിയായ ഫോം തിരഞ്ഞെടുക്കുക

നിങ്ങളുടെ വരുമാനങ്ങൾ ശരിയായി രേഖപെടുത്താനും ഇളവുകളും ആനുകൂല്യങ്ങളും ക്ലെയിം ചെയ്യാനും ശരിയായ റിട്ടേൺ ഫോംതന്നെ തിരഞ്ഞെടുക്കണം.

ഫോം തെറ്റിയാൽ തെറ്റായ റിട്ടേൺ എന്ന പേരിൽ ആദായനികുതിവകുപ്പ് നോട്ടിസ് അയയ്ക്കും. അതിനാൽ വരുമാനസ്രോതസുകൾ, റെസിഡൻഷ്യൽ സ്റ്റാറ്റസ്, മറ്റു നിബന്ധനകൾ എന്നിവയെല്ലാം വിലയിരുത്തി ശരിയായ ഐടിആർ തിരഞ്ഞെടുക്കുക.

2 ഏതു ടാക്സ് സ്റ്റാബ് വേണം

2023ലെ ബജറ്റ് പ്രകാരം പുതിയ സ്ലാബാകും നിങ്ങളുടെ സ്വാഭാവിക സ്ലാബായി വരുക. എന്നാൽ പഴയ സ്ലാബാണ് ലാഭകരമെങ്കിൽ ശമ്പളവരുമാനക്കാർക്ക് ഇഷ്ടാനുസരണം അതു തിരഞ്ഞെടുക്കാവുന്നതേയുള്ളൂ. റിട്ടേൺ സമർപ്പിക്കാനുള്ള നടപടികൾക്കിടെ പുതിയ സ്ലാബിൽ നിന്നു പുറത്തുപോകാൻ നിങ്ങൾ ആഗ്രഹിക്കുന്നുണ്ടോ എന്ന ചോദ്യം വരും. അതിന് ഉണ്ട് എന്ന് ഉത്തരം നൽകിയാൽ മതി. ടാക്സ് കാൽക്കുലേറ്ററിൽ രണ്ടു നിരക്കിലും നികുതി കണക്കാക്കി താരതമ്യം ചെയ്ത് ലാഭമുള്ളതു തിരഞ്ഞെടുക്കാം. എന്നാൽ ബിസിനസ് വരുമാനമുള്ളവർക്ക് ഇഷ്ടാനുസരണം സ്ലാബ് മാറാൻ കഴിയില്ല. നിബന്ധനകൾ പാലിക്കേണ്ടതുണ്ട്.

3 എല്ലാ വരുമാനങ്ങളും കൃത്യമാക്കുക