ഗ്രീൻ ബിൽഡിങ്ങുകൾ സംരക്ഷണത്തിലേക്കുള്ള വഴി പരിസ്ഥിതി

ഒന്നു മനസ്സു വച്ചാൽ നാം പണിയുന്ന വീടുകളും കെട്ടിടങ്ങളും ഗ്രീൻ ബിൽഡിങ് ആക്കി മാറ്റാവുന്നതേയുള്ളൂ

- ഡോ. എ. പി. അർച്ചന അസിസ്റ്റന്റ് പ്രഫസർ ആർക്കിടെക്ചർ വിഭാഗം രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജി, കോട്ടയം archana9090@gmail.​com

നാമിന്ന് കാലാവസ്ഥാ വ്യതിയാനങ്ങൾ നേരിട്ടു കൊണ്ടിരിക്കുകയാണ്. എല്ലാ വർഷവും ചൂടും തണുപ്പും മഴയും പ്രവചനാതീതമായിക്കൊണ്ടിരിക്കുന്നു. അതുകൂടാതെ, മലിനീകരണം, ഉയർന്ന ഊർജ ഉപയോഗം എന്നിവയും പരിസ്ഥിതിയുടെ ശോഷണത്തിനു കാരണമാകുന്നു.

അതിനാൽ ഒരു വീട് പണിയുന്ന അവസരത്തിൽ ഇവയെല്ലാം വെല്ലുവിളികൾ ഉയർത്തുന്നു. മനുഷ്യന്റെ ആവശ്യങ്ങൾക്കനുസൃതമായി ഗൃഹം ഉണ്ടാക്കുമ്പോൾ അത് പരിസ്ഥിതിക്ക് അനുകൂലമാണോ എന്ന് വിശകലനം ചെയ്യേണ്ടത് അനിവാര്യ ഘടകമാണെന്ന് നാം മനസ്സിലാക്കേണ്ടതുണ്ട്.

ഗ്രീൻ ബിൽഡിങ്ങുകൾ എന്താണ് ?

പരിസ്ഥിതി സൗഹൃദവും ഊർജ്ജ കാര്യക്ഷമതയും സുസ്ഥിരതയും കേന്ദ്രീകരിച്ചു നിർമിക്കുന്ന കെട്ടിടങ്ങളെ ഗ്രീൻ ബിൽഡിങ് എന്നു വിളിക്കാം. പരിസ്ഥിതി സൗഹൃദവസ്തുക്കൾ ഉപയോഗി ച്ച് നിർമിക്കുന്ന ഈ കെട്ടിടങ്ങൾ ഊർജത്തിന്റെ ഉപയോഗം കുറയ്ക്കുവാൻ വേണ്ടിയുള്ള നടപടിക്രമങ്ങൾ ഉൾക്കെള്ളുകയും അതോടൊപ്പം സുഖകരവും ആരോഗ്യകരവുമായ താമസസ്ഥലങ്ങൾ ആവുകയും ചെയ്യുന്നു.

ഗ്രീൻ ബിൽഡിങ്ങുകളുടെ പ്രധാന സവിശേഷതകൾ എന്തൊക്കെയാണ് ?