കോവലും വള്ളിച്ചീരയും

എളുപ്പത്തിൽ വളർത്താവുന്ന ദീർഘകാല പച്ചക്കറികൾ

- ആർ. വീണാറാണി

പോഷകത്തോട്ടത്തിൽ നട്ടുവളർത്താവുന്ന ദീർഘകാല പച്ചക്കറികളിൽ പ്രധാനിയാണ് കോവൽ. കറി വയ്ക്കാൻ മാത്രമല്ല, സാലഡിനും കോവയ്ക്ക നന്ന്. എല്ലാ മണ്ണിലും വളരുമെങ്കിലും നീർവാർച്ചയുള്ള, മണൽ കലർന്ന മണ്ണാണ് യോജ്യം. നല്ല സൂര്യപ്രകാശം അത്യാവശ്യം. കേരള കാർഷിക സർവകലാശാല പുറത്തിറക്കിയ അത്യുൽപാദനശേഷിയുള്ള ഇനമാണ് സുലഭ ഇളംപച്ചനിറവും പുറത്തു വെള്ള വരകളുമുള്ള കായ്കൾക്കു വലുപ്പമേറും. മേയ് ജൂൺ മാസത്തിലും ഓഗസ്റ്റ്-സെപ്റ്റംബർ മാസത്തിലും കോവൽ നടാം. ആണും പെണ്ണുമുള്ളതിനാൽ നന്നായി കായ്ക്കുന്ന കോവലിന്റെ തണ്ടു മുറിച്ചുനടാൻ പ്രത്യേകം ശ്രദ്ധിക്കണം. ഒരടി നീളവും 4-5 മുട്ടുകളുമുള്ള തണ്ടുകൾ നടാം. ഓരോ കുഴിയിലും 3-4 തണ്ടു നടണം. 2 മീറ്റർ ഉയരത്തിൽ പന്തലിട്ട് വള്ളികൾ പടർത്താം. പൊടിഞ്ഞ കാലിവളവും കാൽ കിലോ രാജ് ഫോസും മേൽമണ്ണും കുഴ