അതിവേഗം ലാഭത്തിലേക്ക്

ഡ്രാഗൺ കൃഷിയിൽ ഇടവിളകളുടെ സാധ്യതയുമായി സാജു

- 

ഡ്രാഗൺ ഫ്രൂട്ട് കൃഷിക്ക് ആരാധകർ കൂടാൻ എന്താണു കാരണം? ഡ്രാഗൺ കൃഷിയിലേക്കു വരുന്നവർ പിൻതിരിയാൻ എന്താണു കാരണം? പരസ്പര വിരുദ്ധമെന്നു തോന്നാവുന്ന രണ്ടു ചോദ്യങ്ങൾക്കും ഉത്തരം ഒന്നുതന്നെ, സാമ്പത്തികം. കേവലം 2 വർഷത്തിനകം ഇത്തിരി വട്ടത്തിൽനിന്നുപോലും വരുമാനം നൽകുമെന്നതാണ് വ്യാളിപ്പഴത്തിന് ആരാധകരെ സൃഷ്ടിക്കുന്നതെങ്കിൽ ആദ്യ വർഷം വേണ്ടിവരുന്ന ഭീമൻ മുതൽമുടക്കാണ് കൃഷി ചെയ്യാൻ ആഗ്രഹിക്കുന്നവരെപ്പോലും പിന്തിരിപ്പിക്കുന്നത്. ഒരു ഏക്കർ ഡ്രാഗൺകൃഷി ആരംഭിക്കാൻ 4-5 ലക്ഷം രൂപ മുതൽമുടക്ക് വേണ്ടിവരും ആദ്യവർഷങ്ങളിലെ ആദായം മുഴുവൻ മൂലധന വായ്പ തിരിച്ചടയ്ക്കാനെടുത്താൽ കീശയിൽ കാശെത്താൻ വൈകും. എന്നാൽ, ആദ്യ വർഷം തന്നെ മുടക്കു മുതൽ തിരിച്ചു പിടിക്കാൻ പറ്റുന്ന മറ്റൊരു വിള കൂടിയുണ്ടെങ്കിൽ ഡ്രാഗൺ നൽകുന്ന വരുമാനം രണ്ടാം വർഷം തന്നെ കീശയിലെത്തുമല്ലോ ? അതിനു മാർഗം കാണിക്കുകയാണ് കൂത്താട്ടുകുളത്തെ മുതിർന്ന കർഷകനായ എം.സി. സാജു. ഡ്രാഗൺ ഫ്രൂട്ടിനൊപ്പം ആദ്യ വർഷങ്ങളിൽ ഏത്തവാഴ കൃഷി ചെയ്താണ് സാജു മുതൽ മുടക്ക് അതിവേഗം വീണ്ടെടുത്തത് . 30 വർഷം മുൻപ് കർഷകശീ തുടങ്ങിയതു മുതൽ അതിന്റെ വായന ക്കാരനാണ് ഞാൻ. ലഭ്യമായ പ്രകൃതിവിഭവങ്ങളെ പരമാവധി പ്രയോജനപ്പെടുത്തിയുള്ള സമ്മിശ്രകൃഷിയും സംയോജിത കൃഷിയുമൊക്കെ പരിചയപ്പെട്ടതും പഠിച്ചതും അതിലൂടെയാണ്. പുതിയ കാലത്തിന്റെ വിപണനസാധ്യതകൾ തിരിച്ചറിഞ്ഞു പഴവർഗകൃഷി തുടങ്ങിയപ്പോഴും സമ്മിശ്രകൃഷി തന്നെ എന്റെ വിജയതന്ത്രം. ''- അദ്ദേഹം പറഞ്ഞു. ചേനയും ഇവിടെ ഡ്രാഗണിന് ഇടവിളയാണ്.