ആപ്തി ഫാമിലെ അപൂർവ സംഗമം

വിവിധ സംസ്ഥാനങ്ങളിൽനിന്നുള്ള 16 ഇനം നാടൻപശുക്കൾ, കനേഡിയൻ കുള്ളൻ ആട്, എമു, ഒട്ടകപ്പക്ഷി-സ്വാമി കൃഷ്ണാനന്ദ ഭാരതിയുടെ അരുമകൾ

- ടി. അജീഷ്

ആണ്ടുതോറും പ്രമുഖ കലാകാരന്മാരെ പങ്കെടുപ്പിച്ചു പരമ്പര ഒരുക്കുന്ന സ്വാമി കൃഷ്ണാനന്ദ ഭാരതിക്കു കലയും സംഗീതവും പോലെ ഇഷ്ടമാണ് പക്ഷിമൃഗാദികളെയും. കാസർകോട് കുള്ളൻ, വെച്ചൂർ, സഹിവാൾ, കാജ്, ഗിർ, ഓങ്കോൾ, ഹള്ളിക്കർ, ബർഗ്ലൂർ, പുങ്കന്നൂർ എന്നിങ്ങനെ വിവിധ സംസ്ഥാനങ്ങളിൽനിന്നുള്ള 16 തരം നാടൻ പശുക്കൾ, ഒട്ടകപ്പക്ഷി, എമു, വിവിധതരം കോഴികൾ, താറാവു കൾ, കനേഡിയൻ പിഗ്മി ആടുകൾ. കണ്ണൂർ പയ്യന്നൂർ പോത്താങ്കണ്ടം ആനന്ദഭവന്റെ ഭാഗമായി സ്വാമി പരിപാലിക്കുന്ന ആസ്തിഫാമിലാണ് പക്ഷിമൃഗാദികളുടെ ഈ അപൂർവ സംഗമം.