എന്തുമുണക്കാൻ ഡ്രീം ഡ്രയർ

വീട്ടുപയോഗത്തിനു വിവിധോദ്ദേശ്യ ഡ്രയറുമായി കൂരാച്ചുണ്ടിലെ ജോബിൻ

- 

എൻജിനീയറിങ് കോളജ് അധ്യാപകനായിരുന്നു കൂരാച്ചുണ്ട് പാലത്തുംതലക്കേൽ ജോബിൻ അഗസ്റ്റിൻ. 2018ലെ പ്രളയകാലത്ത് മക്കളുടെ വസ്ത്രം ഉണക്കാനുണ്ടായ പ്രയാസമാണ് വീടുകൾക്കു യോജിച്ച ഡ്രയറിനെക്കുറിച്ചു ചിന്തിക്കാൻ അദ്ദേഹത്തെ പ്രേരിപ്പിച്ചത്. നേരത്തേ എൻജിനീയറിങ് പഠനത്തിന്റെ ഭാഗമായി വിറക് ഉപയോഗിച്ചുള്ള ഡ്രയറുകളുടെ പൊതുപ്രശ്നങ്ങൾ പഠിച്ചിരുന്നതുകൊണ്ട് അവ ഒഴിവാക്കിയുള്ള ഉപകരണം രൂപകൽപന ചെയ്യാൻ ജോബിനു കഴിഞ്ഞു. വസ്ത്രമുണക്കാൻ മാത്രമല്ല, ജാതിപോലുള്ള കാർഷികോല്പന്നങ്ങളും ഇതിൽ ഉണക്കാമെന്നു ക്രമേണ വ്യക്തമായി.ജാതിക്ക മാത്രമല്ല ചക്ക, തേങ്ങ, വാഴ പ്പഴം, മത്സ്യം, മാംസം എന്നിങ്ങനെ കാർഷിക കുടുംബാംഗമായ ജോബിന് ഡ്രയറിലുണങ്ങാൻ സ്വന്തം പുരയിടത്തിൽത്തന്നെ ഉൽപന്നങ്ങളേറെയുണ്ടായിരുന്നു.