ഉദ്യാനപ്രേമികൾക്ക് ഉത്സവക്കാഴ്ചകൾ

ഉദ്യാനച്ചെടികളുടെ മികച്ച ശേഖരമൊരുക്കി ബെംഗളൂരുവിലെ ഇൻഡോ അമേരിക്കൻ ഹൈബ്രിഡ് സീഡ്സ്

- 

പച്ചക്കറി-പുഷ്പക്കർഷകർക്ക് പരിചിതമായ പേരാണ് രാജ്യത്ത് ഹൈബ്രിഡ് വിത്തുകൾ പരിചയപ്പെടുത്തിയ ആദ്യകാല സംരംഭങ്ങളിലൊന്നാണ് ബെംഗളൂരുവിലെ രാജേശ്വരി നഗർ കേന്ദ്രമായി 1965 സ്ഥാപിതമായ ഇൻഡോ-അമേരിക്കൻ കമ്പനി. താജ് പാവയ്ക്ക, സാ വൈറ്റ് വെള്ളരി, റോക്സ്റ്റാർ തണ്ണിമത്തൻ എന്നിങ്ങനെ സംസ്ഥാനത്തെ പച്ചക്കറിക്കർഷകർക്കു പരിചിതമായ ഒട്ടേറെ ഇനങ്ങൾ കമ്പനിയുടേതായുണ്ട്. പച്ചക്കറിവിത്തുകളുടെ മാത്രമല്ല, ഉദ്യാനച്ചെടികളുടെയും വിത്തുകളുടെയും രാജ്യത്തെ ഒന്നാം നിര ഉൽപാദകർ കൂടിയാണ് ഇൻഡോ-അമേരിക്കൻ ഹൈബ്രിഡ് സീഡ്സ്. ഏതിനത്തിന്റെയും ചെടികളും വിത്തുകളും ഏറ്റവും ചെറിയ അളവിൽ പോലും ആവശ്യക്കാർക്ക് നേരിട്ട് എത്തിച്ചു കൊടുക്കുമെന്ന സവിശേഷതയുമുണ്ട്.

ഓർക്കിഡ്, ആന്തൂറിയം, വാർഷിക പുഷ്പിണികൾ (സീസണൽ പ്ലാന്റ്സ്), ഇലച്ചെടികൾ എന്നീ 4 ഇനങ്ങളിലാണ് സ്ഥാപനം പ്രത്യേകം ശ്രദ്ധിക്കുന്നതെന്ന് അലങ്കാരച്ചെടി വിഭാഗത്തിന്റെ ചുമതലയുള്ള ബിനോയ് സി.പറയുന്നു. ഓർക്കിഡിൽ ഫലനോപ്സിസ് ഇനത്തിനാണ് ഏറ്റവും പ്രാധാന്യം. മുപ്പതോളം വ്യത്യസ്ത നിറങ്ങളിലായി ഈയിനത്തിന്റെ മാത്രം രണ്ടു ലക്ഷത്തോളം തൈകൾ വർഷം വിപണിയിൽ എത്തിക്കുന്നു. ഫലനോപ്സിസിന്റെ ആവശ്യക്കാരിൽ മലയാളികളാണ് ഏറെയും. ഒരു വർഷം പ്രായമായ പൂവിട്ട ഫലനോപ്സിസ് ഒന്നിന് മൊത്ത വില ശരാശരി 400 രൂപയും ചില്ലറ വില 550 രൂപ വരെയും എത്തും. കാറ്റ്ലിയ, വാൻഡ, ഡെൻഡ്രോബിയം എന്നിവ യ്ക്കും മികച്ച വിപണിമൂല്യമുണ്ടെന്ന് ബിനോയ്

 ആകർഷകം ആന്തൂറിയം