കാലക്ഷേപം

കഥക്കൂട്ട്

- തോമസ് ജേക്കബ്

അപകടം സഹയാത്രികൻ' എന്ന പുസ്തകം എഴുതിയത് മാതൃഭൂമി'യുടെ ഡൽഹി ബ്യൂറോ ചീഫ് ആയിരുന്ന വി.കെ. മാധവൻകുട്ടി ആയിരുന്നെങ്കിലും പ്രധാനമന്ത്രിയുടെ കൂടെ വിമാനാപകടത്തിൽ നിന്നു രക്ഷപ്പെട്ടശേഷം അതു ലോകത്തെ അറിയിച്ച ആൾ' എന്നൊരു പുസ്തകമെഴുതാൻ 1977ൽ കഴിയുമായിരുന്നത് ഇന്ത്യൻ എക്സ്പ്രസിന്റെ ന്യൂഡൽഹി കറസ്പോന്റ് കെ. ഗോവിന്ദൻകുട്ടിക്കു മാത്രമാണ്.

നാലു ദിവസത്തെ അസം പര്യടനത്തിനായി പ്രധാനമന്ത്രി മൊറാർജി ദേശായി ന്യൂ ഡൽഹിയിൽ നിന്നു പുറപ്പെടുന്നത് 1977 നവംബർ നാലിനാണ്. പ്രധാനമന്ത്രിയുടെ മകനും പ്രൈവറ്റ് സെക്രട്ടറിയുമായ കാന്തി ദേശായി, പിടിഐ ന്യൂഡൽഹി ലേഖകനായ വടക്കേ ഇന്ത്യക്കാരനായ എൻ.വി.ആർ.സാമി, കെ ഗോവിന്ദൻകുട്ടി എന്നിവർ അടക്കം 25 പേരുണ്ട് വിമാനത്തിൽ. അതിൽ 8 പേർ മരിച്ചു.

പൊടുന്നനെ വിമാനം താഴോട്ടുപോയി. പിന്നെ മേലോട്ട്. വീണ്ടും താഴേക്ക്. വിമാനം എവിടെയോ ഇടിച്ചിറങ്ങി. ഗോവിന്ദൻ കുട്ടി മുന്നിലെ ഭിത്തിയിൽ സീറ്റോ ചെന്നിടിച്ചു. സീറ്റുബെൽറ്റ് ഇട്ടിരുന്നത് ഭാഗ്യമായി.

രാത്രി 7.30, പരസ്പരം കാണാൻ കഴിയുന്നില്ല ആരോ ഒരാൾ വിളിച്ചു പറഞ്ഞു: “എമർജൻസി വാതിൽ തുറന്നിട്ടുണ്ട്. അതിലൂടെ പുറത്തേക്കു ചാടാം.

അവരെല്ലാവരും പ്രധാനമന്ത്രിയെ രക്ഷിക്കാനുള്ള തിരക്കിലാണ്. ആറു കിലോമീറ്റർ അകലെയുള്ള മിലിട്ടറി ക്യാംപിലേക്കു നടന്നുചെന്ന് റിപ്പോർട്ട് അയയ്ക്കാൻ കുട്ടിയും സാമിയും തീരുമാനിച്ചു. നാട്ടുകാരിലൊരാൾ പന്തം കത്തിച്ചു വഴികാട്ടിയായി.