യുവത്വം വീണ്ടെടുത്ത വഴിത്താരകൾ

വഴിവിളക്കുകൾ

- പ്രഫ. ബി. രാജീവൻ

എന്റെ അച്ഛനും അച്ഛന്റെ സഹോദരന്മാരുമെല്ലാം രാഷ്ട്രീയപ്രവർത്തകരായിരുന്നു. കമ്യൂണിസ്റ്റ് സമരങ്ങളുടെ കാലത്ത് പല സഖാക്കളും ഞങ്ങളുടെ വീട്ടിൽ ഒളിവിൽ കഴിഞ്ഞിട്ടുണ്ട്. അച്ഛന് നാടക പ്രവർത്തനവും ഉണ്ടായിരുന്നു. അതിന്റെ ഭാഗമായി മുൻഷി പരമുപിള്ള, വൈക്കം ചന്ദ്രശേഖരൻ നായർ തുടങ്ങിയവർ നാട്ടിലും എന്റെ വീട്ടിലും താമസിച്ചിട്ടുണ്ട്. അച്ഛന് സാഹിത്യത്തിലും തത്വശാസ്ത്രത്തിലും താൽപര്യമുണ്ടായിരുന്നു. അച്ഛനാണ് തത്വചിന്താപരമായ വായനയുടെയും സാഹിത്യത്തിന്റെ യും പ്രചോദനം. അച്ഛന്റെ രാഷ്ട്രീയ സംസ്കാരിക പശ്ചാത്തലമാണ് എനിക്ക് ആദ്യ പ്രചോദനമായത്.