ഡീസൽ കരുത്തിൽ ടാറ്റ ആൽഫ്രോസ്

ടാറ്റ ആൽഫ്രോസിന്റെ ഡീസൽ വകഭേദവുമായി ഒരു ലോങ് ഡ്രൈവ്

- നോബിൾ

ഡീസൽ വാഹനങ്ങൾ അരങ്ങുവാണ പാസഞ്ചർ വാഹന വിപണി ഇന്ന് കൂടുതലും മറ്റ് ഇന്ധനങ്ങൾ ഉപയോഗിക്കുന്ന വാഹനങ്ങളാണ്. പ്രത്യേകിച്ച് ഹാച്ച് ബാക്ക് സെഗ്മെന്റുകൾ. ഡീസൽ എൻജിൻ ഓടിച്ച് അതിന്റെ കിക്ക് അറിഞ്ഞവരെ സംബന്ധിച്ച് മറ്റൊരു വാഹനം സങ്കല്പിക്കാനാകില്ല. പക്ഷേ, പറഞ്ഞിട്ടു കാര്യമില്ല. എല്ലാ സെഗ്മെന്റിലും വിരലിൽ എണ്ണാവുന്ന ഡീസൽ മോഡലുകളേയുള്ളൂ. ഹാച്ച് ബാക്ക് വിഭാഗത്തിൽ പ്രീമിയം ഹാച്ചിലാണ് ഡീസൽ എൻജിൻ അവശേഷിക്കുന്നത്. ആകെയുള്ളത് ഹ്യുണ്ടേയ് ഐ20യും ടാറ്റ ആലാസും മാത്രം. മാരുതിയും ടൊയോട്ടയുമൊക്കെ ഡീസൽ എൻജിൻ നിർത്തിയതോടെ മോഡലുകൾ കുറഞ്ഞു. ഇവർ തമ്മിലാണ് വിപണിയിലെ ശക്തമായ പോരാട്ടം. പ്രീമിയം ഹാച്ച്ബാക്ക് വിഭാഗത്തിലെ ടാറ്റയുടെ താരമായ ആൽഫ്രോസുമായി ഒരു മാസത്തെ യാത്രയിൽ ഓടിച്ചറിഞ്ഞ കാര്യങ്ങൾ.

സ്പോർട്ടി

കാഴ്ചയിൽ ആരുമൊന്നു നോക്കുന്ന നിറം. പിയാനോ ബ്ലാക്ക് ഫിനിഷിലുള്ള ഗ്രില്ലും അത് ഹെഡ്ലാംപ് യൂണിറ്റിലേക്കു കയറി നിൽക്കുന്നതും ആൽഫ്രോസിനെ കൂടുതൽ സ്പോർട്ടി ആക്കുന്നു. പുരികക്കൊടിപോലുള്ള ഡിആർഎല്ലും രസമുണ്ട്. നല്ല വെട്ടമുള്ള ഹെഡ്ലൈറ്റാണ്. മാത്രമല്ല, കോർണറിങ് ലൈറ്റ് ഇടറോഡുകളിലും ഹിൽ സ്റ്റേഷൻ റോഡുകളിലും ഉപകാര പ്രദമാണ്.