STREET FIGHTER

323 കിലോമീറ്റർ റേഞ്ചുമായി അൾട്രാവയലറ്റ് എഫ് 77 സൂപ്പർ സ്ട്രീറ്റ്

- നോബിൾ എം. മാത്യു

ഇലക്ട്രിക് സൂപ്പർ ബൈക്കായ എഫ് 77 മോഡലുമായി അൾട്രാവയലറ്റ് എന്ന സ്റ്റാർട്ടപ് കമ്പനി വിപണിയിലെത്തുമ്പോൾ ഇതെത്ര കാലം ഇവിടെക്കാണും എന്നായിരുന്നു ഭൂരിപക്ഷം പേരും ചോദിച്ചത്. എന്നാൽ അൾട്രാവയലറ്റ് പുതിയതായി അവതരിപ്പിച്ച രണ്ടു മോഡലുകൾ കാണാനെത്തിയ ജനം ചോദിച്ചത് ഈ മോഡലുകൾ ഉടനെ കിട്ടാൻ എന്താണ് വഴി എന്നാണ്. അതെ...ആദ്യം മടിച്ചുനിന്നവർ ഇപ്പോൾ ഇടിച്ചുകയറുന്ന കാഴ്ചയാണ് അൾട്രാവയലറ്റ് ഷോറൂമിൽ കാണാൻ കഴിയുക. അതിലേക്കു വഴിവെട്ടിയ മോഡലാണ് എഫ്77. മാരക ലുക്കും അതിമാരക പെർഫോമൻസുമുള്ള എഫ്77 നിരത്തിൽ സജീവമാകുകയാണ്. അതിനു കരുത്തേകാൻ അൾട്രാവയലറ്റ് കൊണ്ടുവന്ന പുതിയ വകഭേദമാണ് എഫ്77 സൂപ്പർ സ്ട്രീറ്റ്. കൊച്ചി സ്ട്രീറ്റിലൂടെ അൾട്രാവയലറ്റ് സൂപ്പർ സ്ട്രീറ്റിലൊന്നു കറങ്ങാം..

ഡിസൈൻ

ആദ്യം നിരത്തിലിറങ്ങിയ എഫ്77 മോഡലിന്റെ പരിഷ്കരിച്ച പതിപ്പ് മാക്2 നെ അടിസ്ഥാനമാക്കിയാണ് സൂപ്പർ സ്ട്രീറ്റിനെ ഡിസൈൻ ചെയ്തിരിക്കുന്നത്. മാക് 2ന്റെ സ്പോർടി ഡിസൈനും ഫീച്ചേഴ്സുമെല്ലാം അതേപടി നിലനിർത്തിയാണ് സൂപ്പർ സ്ട്രീറ്റിന്റെ വരവ്. എന്താണ് മാറ്റം? പുതിയ നാലു നിറങ്ങൾ, പുതിയ ഹെഡ്ലാംപ് കൗൾ, ഉയരവും വീതിയും കൂടിയ ഹാൻഡിൽ ബാർ. ഇത്രയുമാണ് പുതുമകൾ. പുതിയ ഹെഡ്ലാംപ് കൗൾ കൊണ്ടുവന്നതുമൂലം മാക് 2വിനെക്കാളും എയ്റോഡൈനാമിക്സ് 15-20% കൂടി എന്നാണ് അൾട്രാവയലറ്റിന്റെ അവകാശവാദം.

കിടിലൻ കളറും ആരും നോക്കുന്ന ഡിസൈനും ഉഗ്രൻ ഫിറ്റ് ആൻഡ് ഫിനിഷുമാണ് സൂപ്പർ സ്ട്രീറ്റിനെയും നിരത്തിലെ സ്റ്റാറാക്കുന്നത്. അൾട്രാ വി പൊസിഷൻ ലാം പോടുകൂടിയ ഓട്ടോ ഡിമ്മിങ് എൽഇഡി ഹെഡ്ലാംപ് യൂണിറ്റ്, ഡ്യുവൽ എൽഇഡി ടെയിൽ ലാംപ്, സ്പോർട്ടി ഫെയറിങ്ങും ടെയിൽ സെക്ഷനും സ്പോർട്ടി അലോയ് വീൽ, ക്വാളിറ്റി സ്വിച്ചുകൾ, 5 ഇഞ്ച് ടിഎഫ്ടി ഡി എന്നിങ്ങനെ നിളുന്നു സവിശേഷതകൾ.