ഇലക്ട്രിക് വിറ്റാര

മാരുതി സുസുക്കിയുടെ ആദ്യ ഇലക്ട്രിക് കാർ ഇ വിറ്റാര അടുത്തവർഷം ആദ്യം വിപണിയിൽ. ലോഞ്ച് ഭാരത് മൊബിലിറ്റി ഗ്ലോബൽ എക്സ്പോയിൽ

- 

കാത്തിരിപ്പിനു വിരാമമിട്ട് മാരുതി സുസുക്കിയുടെ ആദ്യ ഇലക്ട്രിക് കാർ ഇറ്റലിയിലെ മിലാനിൽ അവതരിപ്പിച്ചു. ഇവിഎക്സിന്റെ പ്രൊഡക്ഷൻ മോഡലായ സുസുക്കി ഇ വിറ്റാരയാണ് സുസുക്കി അവതരിപ്പിച്ചത്. ജനുവരിയിൽ നടക്കുന്ന ഭാരത് മൊബിലിറ്റി ഗ്ലോബൽ എക്സ്പോയിലാണ് ഇ വിറ്റാര ഇന്ത്യയിൽ ആദ്യമായി അവതരിപ്പിക്കുക. ജാപ്പനീ സ് വാഹന നിർമാതാക്കളുടെ ഇന്ത്യയിലെ ആദ്യ ഇവിയായ ഇ വിറ്റാര മത്സരിക്കുക ടാറ്റ കർവ് ഇവി, എംജി ZS ഇവി പുറത്തി റങ്ങാനിരിക്കുന്ന ക്രേറ്റ ഇവി മഹീന്ദ്ര ബിഇ 05 എന്നിവരോടായിരിക്കും.

സുസുക്കിയുടെ ഗുജറാത്തിലെ ഫാക്ടറിയിലാണ് ഇ വിറ്റാര നിർമിക്കുക. ആകെ നിർമിക്കുന്നതിന്റെ പകുതിയും ജപ്പാനിലേക്കും യൂറോപ്യൻ വിപണിയിലേക്കും കയറ്റുമതി ചെയ്യും. രാജ്യാന്തര മോഡലായി അവതരിപ്പിക്കുന്നതിന്റെ ഭാഗമായാണ് ഇ വിറ്റാരയെ ഇറ്റലിയിൽ ആദ്യമായി പുറത്തിറക്കിയിരിക്കുന്നത്. ഇന്ത്യയിൽ 2025 മാർച്ച് മുതൽ ഇ വിറ്റാര വിൽപനയ്ക്കെത്തും. യൂറോപ്പിൽ ഇ വിറ്റാര 2025 ജൂണിൽ വിൽപനയ്ക്കെത്തി യേക്കും.

രൂപകൽപന

ഇവിഎക്സ് എന്ന കൺസെപ്റ്റ് മോഡൽ 2023 ജനുവരിയിൽ നടന്ന ഓട്ടോ എക്സ്പോ യിലും 2023 ഒക്ടോബറിൽ നടന്ന ജപ്പാൻ മൊബിലിറ്റി ഷോയിലുമാണ് ആദ്യം അവതരിപ്പിച്ചത്. ഈ മോഡലിനോട് ഡിസൈനിൽ അടക്കം വളരെയേറെ സാമ്യതയുള്ള പ്രൊഡക്ഷൻ മോഡലായിട്ടാണ് ഇ വിറ്റാര വരുന്നത്. കൺസെപ്റ്റിന്റെ റഫ് ലുക്ക് നൽകുന്ന ഡിസൈൻ നില നിർത്തിയിട്ടുണ്ട്. പ്രത്യേകിച്ച് വാഹനത്തിന്റെ അടിഭാഗത്തോടു ചേർന്നുള്ള കറുപ്പ് ക്ലാഡിങ്ങുകൾ കൂടുതൽ റഫ് ലുക്ക് നൽകുന്നുണ്ട്.