കൂടുതൽ ശേഷി റേഞ്ച്

ഒരു ടൺ പേലോഡ് ശേഷിയുമായി എയ്സ് ഇവിയുടെ നവീകരിച്ച പതിപ്പ്

- നോബിൾ

വാണിജ്യ വാഹന വിപണിയിൽ ഉൽപന്ന വൈവിധ്യംകൊണ്ട് മറ്റാർക്കും എത്തിപ്പിടിക്കാനാവാത്ത ഉയരത്തിലാണ് ടാറ്റ, ചെറു വാണിജ്യ വാഹനം മുതൽ ട്രാക്ടർ ട്രെയ്ലർ വരെ ടാറ്റയുടെ പാളയത്തിലുണ്ട്. കാലത്തിനൊത്തു സഞ്ചരിക്കുന്നു എന്നതുതന്നെയാണ് ടാറ്റയുടെ ഈ നേട്ടത്തിനു കാരണം. വിപണി ഇലക്ട്രിക് വാഹനങ്ങളെ സ്വീക രിച്ചപ്പോൾ തങ്ങളുടെ എക്കാലത്തെയും സൂപ്പർഹിറ്റ് മോഡലായ എയ്സിന്റെ ഇവി ടാറ്റ നിരത്തിലിറക്കി; 2022 മെയ് മാസത്തിൽ. രണ്ടു വർഷത്തിനിപ്പുറം ഉപയോക്താക്കളിൽനിന്നും അഭിപ്രായം ഉൾക്കൊണ്ട് ഭാരവാഹകശേഷിയും റേഞ്ചും കൂടിയ എയ്സ് ഇവിയെ ടാറ്റ നിരത്തിലെത്തിച്ചിരിക്കുകയാണ്. വിശദമായൊന്നു കാണാം.

ഡിസൈൻ

കാഴ്ചയിൽ എയ്സിന്റെ ഐസ് (ICE -Internal cumbustion engine) മോഡലും ഇവിയും തമ്മിൽ വലിയ മാറ്റമില്ല. വിപണി യിൽ വിജയിച്ച എയ്സിന്റെ പുതിയ മോഡൽ ഗോൾഡിന്റെ ഡിസൈനാണ് ആദ്യം എത്തിയ ഇവിക്കു നൽകിയിരുന്നത്. അതേ ഡിസൈൻ തന്നെയാണിതിനും. കണ്ടെയ്നർ ബോഡിയായിരുന്നു അതിന്. എന്നാൽ ഇവി 1000ന് സാധാരണരീതിയി ലുള്ള ലോഡിങ് ഏരിയയാണ്. 600 കിലോ ഗ്രാമായിരുന്നു കണ്ടെയ്നർ ഇവിയുടെ പേലോഡ്. ഇതിന് ഒരു ടൺ ഭാരവാഹ കശേഷിയുണ്ട്. 2140x 1430x 300 എംഎം ആണ് കാർഗോ ബോക്സിന്റെ വിസ്തീർണം. പെയിന്റ്, എൽപിജി, ബിവ റേജസ്, സ്റ്റേഷനറി, ലൂബ്രിക്കന്റ്, ഡയറി തുടങ്ങിയ ചരക്കുനീക്കത്തിനു പറ്റിയ രീതിയിലാണ് കാർഗോ ബോക്സ് ഡിസൈൻ.

മോട്ടർ