ബ്രിട്ടീഷ് ഐക്കൺ

മോഡേൺ ക്ലാസിക് ഡിസൈനും ഉഗ്രൻ നിർമാണ നിലവാരവും മികച്ച പെർഫോമൻസുമായി ട്രയംഫ് സ്പീഡ് 400

- നോബിൾ എം. മാത്യു

സ്പീഡ് 400 ട്രയംഫിന്റെ മോഡേൺ ക്ലാസിക് നിരയിലെ യുവതാരം. സ്പീഡ് ട്വിൻ 1200, 900 മോഡലുകൾ കണ്ട് മോഹിച്ചവർക്ക് അതേ ഡിസൈൻ മികവിൽ പോക്കറ്റിലൊതുങ്ങുന്ന വിലയിൽ സ്വന്ത മാക്കാവുന്ന മോഡൽ. ട്രയംഫും ബജാജും തമ്മിലുള്ള സഹകരണത്തിൽ പുറത്തിറ ക്കിയ ആദ്യ മോഡലാണിത്. 400 സിസി വിഭാഗത്തിൽ പുതിയ മാനദണ്ഡങ്ങൾ സൃഷ്ടിച്ച സ്പീഡ് 400ൽ ഒന്നു കറങ്ങിവരാം.

ഡിസൈൻ

മോഡേൺ റെട്രോ ഐറോഡ്സ്റ്റർ എന്നു വിളിക്കാവുന്ന രൂപകൽപന. ക്ലാസിക് രൂപമാണ് കാഴ്ചയിലെ ആകർഷണം. ഓരോ ചെറിയ ഘടകത്തിന്റെയും ക്വാളിറ്റി എടുത്തു പറയണം. ഹെഡ്ലാംപ് ബ്രാക്കറ്റ്, മിറർ ലെഗ്, സൈഡ് കവർ, മുൻ പിൻ ഫെൻഡർ എന്നിവയിലൂടെയെല്ലാം ഒന്നു കണ്ണോടിച്ചാൽ അതു മനസ്സിലാകും.

43 എംഎം വലുപ്പമുള്ള ഗോൾഡൻ ഫിനിഷ് യുഎസ്ഡി ഫോർക്ക്, വട്ടത്തിലുള്ള എൽഇഡി ഹെഡ്ലാംപ്, ഐക്കണിക് ടാങ്ക്, പിന്നിലേക്ക് ഉയർന്നു നിൽക്കുന്ന സ്പോർട്ടി സീറ്റ് എന്നിവയെല്ലാം നോട്ടമുടക്കുന്ന ഘടകങ്ങൾ. എൽഇഡിയാണ് ലൈറ്റുകളെല്ലാം. അനലോഗ് ഡിജിറ്റൽ മീറ്റർ കൺസോൾ. സൈലൻസർ, സിംഗിൾ പീസ്ഗി യർ പൊസിഷൻ ഇൻഡിക്കേറ്റർ, ക്ലോക്ക്, ട്രിപ് മീറ്റർ തുടങ്ങിയ വിവരങ്ങൾ ഇതിൽ ഉൾക്കൊള്ളിച്ചിട്ടുണ്ട്. ബാർ എൻഡ് മിററുകളാണ്. വലിയ സ്വിച്ചുകൾ. ഇടതുവ ശത്തുള്ള ഐ ബട്ടൺ വഴി കൺസോളിലെ വിവരങ്ങൾ മനസ്സിലാക്കാം. ഒപ്പം ട്രാക്ഷൻ കൺട്രോൾ ഓഫ് ചെയ്യാനും കഴിയും.

എൻജിൻ