റേഞ്ച് അൽപം കൂടുതലാ!

126 കിമീ റേഞ്ചും 73 കിമീ കൂടിയ വേഗവുമായി ചേതക്കിന്റെ 2024 പതിപ്പ്

- നോബിൾ എം.മാത്യു

ചേതക്കിന്റെ നവീകരിച്ച മോഡൽ ടെസ്റ്റ് റൈഡ് ചെ യ്യാൻ ബജാജ് ക്ഷണിച്ചത് ചെന്നൈ യിലേക്കാണ്. ചെന്നൈ ടി നഗറിലെ ഷോറൂമിൽ നിന്ന് വാഹനം കയ്യിൽ കിട്ടുമ്പോൾ സമയം പതിനൊന്ന്. റോഡിൽ ഇനി ഒരു സ്കൂട്ടറിനും കൂടി ഇടയുണ്ടോ എന്നു ചോദിച്ചുപോകുന്ന തിരക്ക്. എങ്ങോട്ടു പോകും എന്നാലോചിച്ച് ഗൂഗിളിൽ തിരഞ്ഞപ്പോഴാണ് നാടോടിക്കാറ്റിലെ നമ്മുടെ ദാസനെയും വിജയനെയും കുറിച്ചോർത്തത്. അവർ വന്നുകയറിയ എലൈറ്റ് ബീച്ച് ഇവിടെ അടുത്താണെന്ന കാര്യം സത്യത്തിൽ മറന്നു പോയി. ലൊക്കേഷൻ നോക്കിയപ്പോൾ അധികം ദൂരമില്ല. എന്നാപ്പിന്നെ ചേതക്കുമായി അങ്ങോട്ടു വച്ചു പിടിക്കാം.

നാവിഗേഷനുണ്ട്

 ടി നഗറിൽനിന്നു ബീച്ചിലേക്കു ചോദിച്ചു ചോദിച്ചു പോകാം എന്നാണു കരുതിയത്. പക്ഷേ, ഈ ട്രാഫിക്കിൽ അതു നടപ്പില്ലെന്നു മനസ്സിലായി. പുതിയ ചേതക്കിൽ അതിനു വഴിയുണ്ട്. മൊബൈലിൽ ചേതക് ആപ് ഡൗൺലോഡ് ചെയ്ത് ബ്ലൂടൂത്ത് വഴി ചേതക്കുമായി കണക്ട് ചെയ്താൽ പുതിയ 5 ഇഞ്ച് ടിഎഫ്ടി ഡിസ്പ്ലേയിൽ ടേൺ ബൈ ടേൺ നാവിഗേഷൻ കിട്ടും. സംഗതി വളരെ എളുപ്പം. മാത്രമല്ല മ്യൂസിക്, കോൾ, മെസേജ് എന്നിവ യെല്ലാം ഹാൻഡിലിലെ ബട്ടൺവഴി നിയന്ത്രിക്കുകയുമാകാം. മനോഹരമായ ഡിസ്പ്ലേയാണ്. ക്ലാരിറ്റിയും ക്വാളിറ്റിയും മികച്ചത്. ഡിസ്പ്ലേ തീം ക്രമീകരിക്കാം. സർവീസ് റിമൈൻഡർ, അലർട്ട് & നോട്ടിഫിക്കേഷൻ എന്നിവയും ഇതിൽ അറിയാം.

റൈഡ് മോഡ്

 ബംപർ ടു ബംപർ ട്രാഫിക്കിൽ സുഖമാണ് ചേതക്കിലെ റൈഡ്. ഇക്കോ മോഡിൽ പതിയെ നീങ്ങാം. കൈകാര്യം ചെയ്യാൻ എളുപ്പമാണ്. ഇനി വേഗത്തിൽ പോകണമെങ്കിൽ സ്പോർട് മോഡുണ്ട്. ഈ മോഡിൽ ആക്സിലറേറ്ററിലെ ചെറിയ തിരി വിൽപോലും നല്ല കുതിപ്പാണ്.

റേഞ്ച് വേഗവും കൂടി