മക്കളെ വളർത്തുമ്പോൾ...

സമകാലീന സാമൂഹ്യസാഹചര്യങ്ങളിൽ ശിശു പരിപാലനം ഏറെ അവധാനതയോടെ നിർവഹിക്കേണ്ടതാണ്. ഒന്ന് കണ്ണുതെറ്റിയാൽ അത് വലിയ ദുരന്തങ്ങളിലേക്ക് നയിച്ചെന്ന് വരാം. മക്കളെ വളർത്തുമ്പോൾ പുലർത്തേണ്ട ജാഗ്രതയെക്കു റിച്ച് കൊല്ലം ശബരിഗിരി ഹോസ്പിറ്റൽ ചീഫ് മെഡിക്കൽ ഓഫീസർ ഡോ.വി.കെ.ജയകുമാർ നല്കുന്ന മാർഗനിർദേശങ്ങൾ.

- ഡോ. വി. കെ. ജയകുമാർ, ശബരിഗിരി

ദൈവം നമുക്ക് നൽകിയ നിധികളാണ് മക്കൾ. പ്രാർത്ഥനയോടെ നമുക്ക് അവരെ വളർത്തി വലുതാക്കണം. ഒരു അരയാലിന്റെ വിത്ത് എത്രയോ ചെറുതാണ്. പക്ഷേ ഈശ്വരനോ പ്രകൃതിയോ ഒരു വൻവൃക്ഷത്തെ സൃഷ്ടിക്കുന്നതിനുള്ള പ്രോഗ്രാം അതിനുള്ളിൽ നിക്ഷേപിച്ചിരിക്കുന്നു. ഈ ചെറുവിത്തിന് വളർന്ന് വൻമരമാകാൻ വെള്ളവും വെളിച്ചവും വേണം.