હવે મુંબઈને મળશે છબછબ સવારી

લાંબી પ્રતીક્ષા પછી અંતે આમચી મુંબઈને વૉટર ટૅક્સી સર્વિસ નસીબ થઈ રહી છે. મુંબઈ અને નવી મુંબઈ વચ્ચેના મુસાફરો માટે પ્રવાસનો સમય અડધો કરી નાખનારી આ ફેરી સર્વિસની અવનવી વાતોમાં એક ડૂબકી.

- ઉમંગ વોરા (મુંબઈ)

મુંબઈ જેવા મહાનગરમાં માણસ માટે એક જ પ્રાણપ્રશ્ન રહે છે, સમય! મુંબઈની માયામાં સપડાયા પછી વ્યક્તિ માટે સમયસર ઘરેથી નીકળવું, સમયસર બસ કે ટ્રેન કે રિક્ષા કે ટૅક્સી પકડવી અને સમયસર નિર્ધારિત જગ્યાએ પહોંચવું એ સૌથી મોટી મહત્ત્વની બાબત ગણાય છે. એમાંય ટ્રેનનું મોડા પડવું કે ટ્રાફિકમાં બસ કે રિક્ષા-ટૅકસીનું ફસાઈ જવું એ તો સૌથી મોટી અકળામણ! જો કે દક