നിക്ഷേപം ഒന്നര ലക്ഷം മാസവരുമാനം അരലക്ഷം

ഗൾഫ് ജീവിതത്തിനുശേഷം നാട്ടിൽ തിരിച്ചെത്തി ഒന്നരലക്ഷം രൂപ മുടക്കി ഒരു സംരംഭം തുടങ്ങി അതിലൂടെ ഗൾഫിലെ വരുമാനത്തിനു തുല്യമായ തുക പ്രതിമാസം നേടുന്ന സനൂപെന്ന ചെറുപ്പക്കാരന്റെ വിജയകഥ.

- ടി.എസ്. ചന്ദ്രൻ മുൻ ഡപ്യൂട്ടി ഡയറക്ടർ സംസ്ഥാന വ്യവസായ-വാണിജ്യ വകുപ്പ്

ഒമാനിൽ വെൽഡറായിരുന്നു സനൂപ്. ഏതാനും വർഷം അവിടെ ജോലി ചെയ്തു. കാര്യമായി ഒന്നും സമ്പാദിക്കുവാൻ കഴിഞ്ഞില്ല. നാട്ടിൽ തിരിച്ചെത്തിക്കഴിഞ്ഞാണ് ഇനിയെന്ത് എന്ന ചിന്ത ഉദിക്കുന്നത്. ജീവിക്കാൻ ഒരു ജോലിയും വരുമാനവും കൂടിയേ കഴിയൂ. അത്തരമൊരു ആവശ്യത്തിലൂന്നിയാണ് ഈ സംരംഭം പിറവിയെടുക്കുന്നത്.