சொக்கலால் பீடியும்...குதிரை படம் போட்ட பிராந்தியும்...

ஞாயிறுகளில் அப்பா அப்படியொரு அழகாக பேட்டையில் காட்சியளித்துக் கொண்டிருப்பார். வெளுத்த வேட்டியும் சட்டையும் கசங்காமல் உடுத்திக் கொள்வார். உள்ளங்கையளவு தேங்காய் எண்ணெயை தலைக்கும், கைகளுக்கும், கால்களுக்கும் தடவிக் கொள்வார். தலையைப் படிய வாரி, மீசையையும் ஒரு மாதிரி வாரிக்கொள்வார். ஒரு தடவை அம்மையைப் பார்த்துக்கொள்வார். கறி எடுப்பதற்கு தூக்குவாளியை எடுத்துக் கொண்டு என்னையும் கடைத்தெருவிற்கு அழைத்துச் செல்வார்.

- பாக்கியம் சங்கர்

இள ஆட்டுகறியாகப் பார்த்துப் பதமாக வாங்குவதில் அப்பா கெட்டிகாரர் என்று சொல்லியே அப்பாவைக் கறிவாங்க அனுப்புவதில் அம்மா கெட்டிக்காரராக இருந்தார் என்று, இப்போதுதான் எனக்குப் புரிந்தது. ஆனால், அப்பாவிற்கு அப்போது அது புரிந்திருக்கும் என்றுதான் தோன்றுகிறது. என்னை சேமியா ஐஸ் கடையில் உட்கார வைத்து, ''ஏல... ஒரு சேமியாத்தான் திங்கĩ