പറക്കാൻ ഒരുങ്ങുന്ന കുഞ്ഞാറ്റ

“വിവാഹത്തിൽ ഞാൻ വിശ്വസിച്ചു തുടങ്ങിയതു പോലും അടുത്തിടെയാണ്. രണ്ടു സിനിമകളുമായി ബിഗ് സ്ക്രീനിലെത്താൻ ചിറകു നിർത്തുന്ന കുഞ്ഞാറ്റ

- ഡെൽന സത്യരത്ന

സുന്ദരിയായവൾ സ്റ്റെല്ലയുടെ ഫസ്റ്റ് ലുക്ക് പോസ്റ്ററിൽ നായികയുടെ രണ്ടു പേരുകൾ നൽകിയിട്ടുണ്ട്. കുഞ്ഞാറ്റയെന്നും ലക്ഷ്മി എന്നും. ഏതു പേരിൽ അറിയപ്പെടാനാണ് ഇഷ്ടമെന്നു ചോദിച്ചാൽ മറുപടി ഉടനെത്തും. “സ്നേഹത്തോടെ കുഞ്ഞാറ്റയെന്നു വിളിക്കുന്നത് ഇഷ്ടമാണ്. കരിയറിൽ തേജാലക്ഷ്മി എന്നറിയപ്പെടാനും.

നോക്കി നോക്കി ഇരിക്കെ ചിരിയും ഗൗരവവും അനായാസമായി മാറിമാറി മിന്നുന്ന ഉർവശി തന്നെയല്ലേ ഇതെന്നു തോന്നും.

കുഞ്ഞാറ്റയും അമ്മയും റീൽസിൽ വരുമ്പോ ഴെല്ലാം ഒരേ പാട്ടാണല്ലോ ബാക്ഗ്രൗണ്ടിൽ

എന്തു പറഞ്ഞാലും നീ എന്റേതല്ലേ വാവേ....എന്ന പാട്ടല്ലേ? അമ്മയുടെ സിനിമകളിൽ ഞാനാദ്യമായി കണ്ടത് അച്ചുവിന്റെ അമ്മയാണ്. ഏറ്റവും ഇഷ്ടമുള്ള സിനിമയും പാട്ടുമാണത്. എന്നെ പ്രസവിച്ചു കഴിഞ്ഞ് ഒരു ബ്രേക്കിനു ശേഷമാണല്ലോ അമ്മ ആ സിനിമയിലഭിനയിച്ചത്. റീൽസിൽ ആ പാട്ടിടുന്നത് അങ്ങനെയൊരു സ്പെഷൽ ഫീലുള്ളതു കൊണ്ടാണ്.

അച്ഛനാണോ അമ്മയാണോ കുഞ്ഞാറ്റയു ടെ ആക്ടിങ് സ്കൂൾ?

രണ്ടുപേരും. എന്റെ മാനേജർ, പിആർ എല്ലാം ഇതുവരെ അവരാണ്. രണ്ടുപേരും പഠിപ്പിക്കുന്നത് ഒരേ കാര്യമാണ്. എങ്ങനെ കരിയറിൽ ഡെഡിക്കേറ്റഡ് ആകാം എന്ന്.

സുന്ദരിയായവൾ സ്റ്റെല്ലയുടെ ചിത്രീകരണം തുടങ്ങാനിരിക്കുന്നു. മറ്റൊരു സിനിമയും കമിറ്റ് ചെയ്തിട്ടുണ്ട്.

മുന്നിലെത്തുമ്പോൾ "എന്റെ ഈ സൈഡാണു നല്ലത്' എന്നു മുൻപു ക്യാമറയ്ക്കു പറഞ്ഞ് ആ വശത്തേക്കു മുഖം തിരിച്ചു നിൽക്കാറുണ്ട്. പക്ഷേ, സിനിമയിൽ അങ്ങനെ പാടില്ലെന്നാണ് ഉപദേശങ്ങളിൽ പ്രധാനപ്പെട്ടത്. അഭിനയിക്കുമ്പോൾ അതിൽ ഞാൻ ഭംഗിയുണ്ടോയെന്നല്ലല്ലോ ചിന്തിക്കേണ്ടത്. കോൺഷ്യസാകാതെ കഥാപാത്രമായി ജീവിക്കുകയല്ലേ വേണ്ടത്. കഥാപാത്രത്തിന്റെ അനുഭവം എന്റേതു തന്നെയാണെന്ന് ഉൾക്കൊണ്ടു ജീവിച്ചാൽ മതിയെന്നാണ് അച്ഛനുമമ്മയും പറഞ്ഞു തന്നിട്ടുള്ളത്.