മോഹങ്ങളിലൂടെ juhi

പവി കെയർടേക്കറിലെ നായികമാരിലൊരാളായി തുടക്കം. തമിഴിലേക്കു തിരിഞ്ഞ് വീണ്ടും 'സുമതി വളവ് ' സിനിമയിലൂടെ മലയാളത്തിലെത്തിയ ജൂഹി ജയകുമാർ

- ഡെൽന സത്യരത്ന

വീട്ടിലും കൂട്ടിലും എക്സ്ട്രോവെർട്ട്

സിനിമയെന്ന വലിയ സ്വപ്നം യാഥാർഥ്യമായതിന്റെ സന്തോഷത്തിൽ നിൽക്കുമ്പോഴും കോഴിക്കോടിന്റെ സ്നേഹം നിറഞ്ഞ സംസാരരീതിയിൽ ജൂഹി മനസ്സു തുറന്നു. തമിഴ്നാട്ടിൽ അടുത്ത പടത്തിന്റെ ഷൂട്ടിങ്ങാണ്. ഷൂട്ടിങ്ങിനു പോകുമ്പോഴൊക്കെ വീട്ടിൽ നിന്ന് അമ്മ കൂടെക്കൂടും.

അധികമൊന്നുമില്ലെങ്കിലും ഉള്ള കൂട്ടുകാരൊക്കെ ജൂഹിയുടെ ഹൃദയത്തിൽ വീടു വച്ചു താമസമാണ്. വീടും കൂട്ടുകാരുമൊക്കെയായി അടുത്ത ബന്ധം സൂക്ഷിക്കുന്ന, അവരോടെല്ലാം തുറന്നു സംസാരിക്കുന്ന ചിരിക്കുടുക്കയാണ് ജൂഹി വീട്ടിൽ. അച്ഛൻ ജയകുമാർ കോഴിക്കോട് റിയൽ എസ്റ്റേറ്റ് ബിസിനസിലാണ്. അമ്മ ബിന്ദു വീട് ഭംഗിയായി മാനേജ് ചെയ്യുന്നു. 2021ൽ അഭിനയത്തിലേക്കു കടന്നെങ്കിലും 2024 വരെ കാത്തിരിക്കേണ്ടി വന്നു ആദ്യ സിനിമയുടെ റിലീസിന്. ബിഗ്സ്ക്രീനിൽ ആദ്യമായി വന്ന ആ നിമിഷം സ്പെഷലാണ്.

നാട്ടിലെ ആംബിവെർട്ട്