വാടക വീടാണോ ലാഭം?

സമ്പത്തു കാലത്തു നടുന്ന തൈകളാണു നിക്ഷേപങ്ങൾ. വരുമാനം എങ്ങനെ സുരക്ഷിതമായ നിക്ഷേപമാക്കാം എന്നു ചിന്തിക്കുന്നവർക്ക് മാർഗനിർദേശങ്ങൾ നൽകുന്ന പംക്തി...

- നിഖിൽ ഗോപാലകൃഷ്ണൻ സിഇഒ, പെന്റാഡ് സെക്യൂരിറ്റീസ്

സ്വന്തം വീടാണോ വാടക വീടാണോ ലാഭം എന്ന ചോദ്യത്തിനു പ്രസക്തി ഏറി വരുകയാണ്. 50 ലക്ഷത്തിന്റെ വീടു വാങ്ങാൻ ഒരാൾ 10 ലക്ഷം രൂപ ഡൗൺ പേയ്മെന്റും 40 ലക്ഷം ലോണും എടുക്കുന്നുവെന്നു കരുതുക. ഇഎംഐ 40,000 രൂപയോളം വരും. ഇനി ഇതേ 50 ലക്ഷത്തിന്റെ വീടു വാടകയ്ക്കെടുത്താലോ? മാസവാടക പരമാവധി 15,000 രൂപയും ഒരു വർഷത്തേക്ക് 1,80,000 രൂപയും നൽകേണ്ടി വരും.

50 ലക്ഷം രൂപ കയ്യിലുള്ളവരാണെങ്കിൽ അത് എഫ്ഡി ആയി ബാങ്കിൽ നിക്ഷേപിച്ചാൽ 6% പലിശ എന്ന നിരക്കിൽ മൂന്നു ലക്ഷം രൂപ വർഷാവസാനം ലഭിക്കും. വാടക 1,80,000 രൂപ മാറ്റിനിർത്തിയാൽ ലാഭം 1,20,000 രൂപ. 50 ലക്ഷം മുടക്കി വാങ്ങുന്ന വീട്ടിൽ നിന്നോ വസ്തുവിൽ നിന്നോ ഈ ലാഭം ലഭിക്കണമെന്നില്ല. മാത്രമല്ല, ഫ്ലാറ്റാണ് വാങ്ങുന്നതെങ്കിൽ എല്ലാ മാസവും മെയ്ന്റനൻസ് ചാർജ് നൽകണം. വീട് ആണെങ്കിൽ എല്ലാ മെയനൻസും നമ്മൾ തന്നെ കൈകാര്യം ചെയ്യണം. കൃത്യമായ സാമ്പത്തിക സ്ഥിരതയിലേക്ക് എത്തുന്നതു വരെ വാടക വീട് തന്നെയാണു സുരക്ഷിതം.

ലോൺ എടുക്കും മുൻപ്