ആഘോഷങ്ങൾ അവരും ആസ്വദിക്കട്ടെ

ചെറിയ കുട്ടികൾ വാശിപിടിക്കുകയും കരയുകയുമൊക്കെ ചെയ്യുന്നത് ചില സാഹചര്യങ്ങളുമായി പൊരുത്തപ്പെടാൻ സാധിക്കാതെ വരുമ്പോഴാണ്

- 

സുഹ്റ നീയെന്താ രേവതിയുടെ കല്യാണത്തി നു വരാഞ്ഞത്?
മെറിൻ : കുറച്ചു തിരക്കുണ്ടായിരുന്നു.
സുഹ്റ എന്തു തിരക്ക്?
ആദിലിന്റെ ഹൗസ് വാമിങ്ങും നീ സ്കിപ് ചെയ്തു. നിനക്കെന്താ പറ്റിയെ?
മെറിൻ : ഒന്നും പറ്റിയിട്ടല്ല. ദാ ഈ കുഞ്ഞുങ്ങളേയും കൊണ്ട് എങ്ങനെ വരാനാണ്? ഏതെങ്കിലും പരിപാടിക്കു പോകാനൊരുങ്ങിയാൽ അപ്പോൾ തുടങ്ങും ബഹളം. ഇടുന്ന ഉടുപ്പു മുതൽ പിന്നെ എല്ലാത്തിനും വഴക്കാണ്. മറ്റുള്ളവരുടെ നോട്ടവും ഉപദേശവും കൂടിയാകുമ്പോൾ എന്റെ പിടിവിടും. ഞാൻ ഇവരെ വഴക്കു പറഞ്ഞുപോകും. എങ്ങോട്ടും പോകണ്ടെന്നു വച്ചാൽ ഒരു പ്രശ്നോം ഇല്ലല്ലോ. കണ്ടില്ലേ വീടിനുള്ളിൽ കുട്ടികളും ഹാപ്പി ഞാനും ഹാപ്പി.

സുഹ്റ: ഇതാണോ വിഷയം. പൊതുസ്ഥലങ്ങളിൽ, പ്രത്യേകിച്ചു വലിയ ആഘോഷങ്ങളൊക്കെ നടക്കുന്ന ഇടങ്ങളിൽ ചെറിയ കുട്ടികൾ വാശിപിടിക്കുന്നതിനും കരയുന്നതിനുമൊക്കെ പിന്നിൽ ചില കാര്യങ്ങളുണ്ട്. അതു മനസ്സിലാക്കിയാൽ എല്ലാം അടിപൊളിയാകും. തിരക്കും ഉച്ചത്തിലുള്ള ശബ്ദങ്ങളും വെളിച്ചവും പുതിയ ആളുകളും സമയം തെറ്റുന്ന ചിട്ടകളുമെല്ലാം കുട്ടികളെ സ്വാഭാവികമായും അസ്വസ്ഥരാക്കും. ആ അസ്വസ്ഥത അവർ പുറത്തു കാണിക്കുന്നതു കരഞ്ഞും വാശിപിടിച്ചുമാണെന്നു മാത്രം. അതൊരിക്കലും മോശം സ്വഭാവമല്ല.

മുന്നൊരുക്കങ്ങളിലൂടെയും അനുതാപം നിറഞ്ഞ പ്രതികരണങ്ങളിലൂടെയും ചേർത്തു പിടിക്കലിലൂടെയും മുതിർന്നവർക്കും കുട്ടികൾക്കും ആനന്ദം നിറയുന്ന അനുഭവമാക്കി ആഘോഷങ്ങളെ മാറ്റാം.

താളം തെറ്റുന്ന ചിട്ടകൾ