അടവിനും അഭിനയത്തിനും കളരി

മൂന്നര വയസ്സിൽ ബാഹുബലിയുടെ ഭാഗമായി തുടക്കം, ഇന്നു മലയാളികളുടെ സ്വന്തം കുഞ്ഞി നീലി

- അഞ്ജലി അനിൽകുമാർ

ഞാനിപ്പോൾ കുഞ്ഞിനീലി

ലോകക്ക് ശേഷം എല്ലാവർക്കും ഞാൻ കുഞ്ഞിനീലിയാണ്. അച്ഛന്റെ സുഹൃത്ത് ആഷ്ലി അങ്കിൾ വഴിയാണ് ലോകയിൽ എത്തുന്നത്. അഭിനയവും മാർഷ്യൽ ആർട്സും സ്റ്റണ്ടും അറിയുന്ന കുട്ടികൾ വേണമെന്ന് ടീം പറഞ്ഞിരുന്നു. മൂന്നു വയസ്സുള്ളപ്പോൾ മുതൽ കളരി പഠിക്കുന്നു. അച്ഛൻ വിനോദ് ആണ് ഗുരു. അവസരം വന്നപ്പോഴേ അച്ഛൻ പറഞ്ഞു “ധാരാളം ഫൈറ്റ് സീനുകളുണ്ടാകും ശരീരവേദന സഹിക്കാമെന്നുറപ്പുണ്ടെങ്കിൽ മാത്രം ഓക്കെ പറഞ്ഞാൽ മതി' എന്ന്. അച്ഛൻ സ്റ്റണ്ട് കൊറിയോഗ്ര ർ ആയതുകൊണ്ട് ഫ്രെയിമിനുള്ളിൽ എങ്ങനെ ഭംഗിയായി നിൽക്കാമെന്നു പറഞ്ഞുതന്നു. കൂടാതെ കുന്തം ഉപയോഗിക്കാനുള്ള പരിശീലനവും കിട്ടി. ഫൈറ്റ് സിംപിളായിരുന്നു. കണ്ണിൽ വച്ച ലെൻസ് ആദ്യം വലച്ചെങ്കിലും പതിയെ അതും ഓക്കെയായി.

സ്ക്രീനിൽ കണ്ടപ്പോൾ ഞെട്ടി