ഡിജിറ്റൽ ആർസിയും ഗൂഗിൾ ക്ലീനിങ്ങും

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

സ്വന്തം വാഹനമുള്ളവരും മറ്റുള്ളവരുടെ വാഹനം ഓടിക്കുന്നവരും അറിഞ്ഞിരിക്കേണ്ട ഒരു സുപ്രധാന കാര്യം കേട്ടാലോ? കേരളത്തിൽ ഇപ്പോൾ വാഹന ഉടമകൾക്ക് പ്രിന്റഡ് ആർസി ബുക് കിട്ടുന്നില്ല എന്നു മാത്രമല്ല, വാഹന പരിശോധന സമയത്തു ഡിജിറ്റൽ ആർസി കാണിച്ചാൽ മതി എന്ന ഇളവും വന്നിട്ടുണ്ട്.

പക്ഷേ, നമ്മുടെ വാഹനം മറ്റൊരാൾക്കു കൈമാറി ഓടിക്കാൻ കൊടുക്കുമ്പോഴോ മറ്റോ ഡിജിറ്റൽ ആർസി എങ്ങനെ പരിശോധനയിൽ കാണിക്കാനാകും അതിനായുള്ള സൗകര്യം എംപരിവാഹൻ ആപ്പിലുണ്ട്.

ഡിജിറ്റലായി ആർസി

എംപരിവാഹൻ (NextGen mParivahan) ആപ്പിൽ ലോഗിൻ ചെയ്ത ശേഷം മധ്യഭാഗത്തുള്ള വിർച്വൽ ഡോക്യുമെന്റ്സ് (Virtual Documents) എന്നതിൽ ടച്ച് ചെയ്യുക. അപ്പോൾ നമ്മൾ ആഡ് ചെയ്തിരിക്കുന്ന നമ്മുടെ വാഹനത്തിന്റെ ആർസി വിവരങ്ങൾ കാണാം.