മുഖം പൂവായ് വിരിയാൻ

നമുക്കറിയാത്ത പല ഗുണങ്ങളുമുണ്ട് ഫെയ്സ് യോഗയ്ക്ക്. എളുപ്പത്തിൽ ചെയ്യാവുന്ന മുഖ പേശീചലനങ്ങളും മസാജും ശീലമാക്കിക്കോളു

- ഡെൽന സത്യരത്ന

ശരീരത്തിന്റെ ആരോഗ്യത്തിനും സൗന്ദര്യത്തിനും എത്രയെത്ര വ്യായാമങ്ങളാണുള്ളത്. അപ്പോൾ മനസ്സിന്റെ കണ്ണാടിയായ മുഖത്തിനും വേണ്ടേ കൊച്ചു വ്യായാമങ്ങൾ? മുഖത്തെ പേശികൾക്കു ചെറുപ്പവും ബലവുമേകി ഇരട്ടത്താടി, നെറ്റിയിലെ ചുളിവുകൾ, കണ്ണിനു ചുറ്റുമുള്ള കറുപ്പു നിറം എന്നിങ്ങനെയുള്ള സൗന്ദര്യ പ്രശ്നങ്ങൾ അകറ്റാൻ ഫെയ്സ് യോഗ സഹായിക്കും.

ലളിതമായ മസാജും പേശീചലനങ്ങളും കൊണ്ടു മു ഖത്തേക്കുള്ള രക്തയോട്ടം വർധിപ്പിക്കാനാകും. രക്ത യോട്ടം കൂടിയാൽ ലഭിക്കുന്ന ഓക്സിജന്റെ അളവും കൂ ടും. അങ്ങനെ ചർമവും പേശികളും സന്തോഷത്തോടെ പുഞ്ചിരിക്കും.

കൊളാജൻ ഉൽപാദനം വർധിപ്പിച്ച് ചർമത്തിന്റെ യുവത്വം കാത്തുസൂക്ഷിക്കാൻ ഫെയ്സ് യോഗ ഉത്തമമാണ്. മാനസിക സമ്മർദം ലഘൂകരിക്കാനും മുഖ വ്യായാമങ്ങളിലൂടെ കഴിയും.

പൊതുവായി ശ്രദ്ധിക്കാൻ

കൈപ്പത്തികൾ അമർത്തിത്തിരുമ്മി ചൂടാക്കിയ ശേ ഷം കണ്ണുകൾക്കു ചൂടു നൽകി വാം അപ് കഴിഞ്ഞു ഫെയ്സ് യോഗ മസാജുകൾ ചെയ്യുന്നതു കൂടുതൽ ഫല പ്രദമാണ്.

ഏതു സമയത്തും ഫെയ്സ് യോഗ ചെയ്യാവുന്നതാണ്. എല്ലാ ദിവസവും ഒരേ സമയത്തുതന്നെ ചെയ്യണമെന്നില്ല. രാവിലെയോ വൈകിട്ടോ ഓഫിസിലോ വീട്ടിലോ കിട്ടുന്ന ഇടവേളകളിലോ ദിവസവും മുടങ്ങാതെ ചെയ്യണമെന്നു മാത്രം.

രാവിലെ ഉണർന്നശേഷം പതിവായി ഫെയ്സ് യോഗ ശീലമാക്കിയാൽ, മുഖത്തെ പഫ്‌നെസ്സും ഉറക്കച്ചടവും മാറി ഉന്മേഷം നേടാം.

അല്പം കുങ്കുമാദി തൈലം മുഖത്തുപുരട്ടിയ ശേഷം ഫെയ്സ് യോഗ ചെയ്യുന്നത് കൂടുതൽ ഫലപ്രദമാണ്.