സേഫ് അഡൽറ്റ് ആരെന്ന് പറഞ്ഞു കൊടുക്കാം

 സേഫ് അഡൽറ്റ് എന്നാൽ എന്താണെന്നാണോ ചിന്തിക്കുന്നത് ? അവർ ആരാണെന്നും അവരുടെ പെരുമാറ്റരീതികളും വായിച്ചറിയാം

- സ്വാതി ജഗദീഷ്

ചെറു പ്രായം തൊട്ടു കുട്ടികൾ തങ്ങളുടെ ശരീരഭാഗങ്ങൾ തൊട്ടു നോക്കുന്നതും നിരീക്ഷിക്കുന്നതും പ്രായത്തിനനുസരിച്ചുള്ള സ്വഭാവമാണ്. എന്നാൽ ഇതു സ്വകാര്യ ഇടങ്ങളിൽ വച്ചു മാത്രം ചെയ്യേണ്ട കാര്യമാണെന്നും മറ്റുള്ളവരെ കൊണ്ട് ഇത്തരം പ്രവർത്തികൾ സ്വന്തം ശരീരത്തിൽ ചെയ്യിക്കരുതെന്നും പറഞ്ഞു കൊടുക്കേണ്ടതു മാതാപിതാക്കളുടെ കടമയാണ്.

അച്ഛനമ്മമാർക്കോ കുട്ടിയെ നോക്കുന്നവർക്കോ മാത്രമേ കുഞ്ഞിനെ തൊടാനുള്ള അവകാശമുള്ളൂ എന്നും അപ്പോഴും അസ്വസ്ഥതയുണ്ടാകുന്നുവെങ്കിൽ തുറന്ന് പറയണം എന്നും നിർദേശിക്കാം. ഇതിലൂടെ വളരെ അടുത്തിടപഴകുന്നവർ പോലും കുട്ടിയെ അസ്വസ്ഥരാക്കാതെ സുരക്ഷിതമായി പെരുമാറേണ്ടതുണ്ടെന്ന പാഠം കുട്ടി പഠിക്കും. അതല്ലാത്തതിനെതിരെ പ്രതികരിക്കണമെന്നും മനസ്സിലാക്കും.