வீராங்கனைகள் சந்திக்கும் மாதவிடாய் பிரச்சனை!

விளையாட்டு வீராங்கனைகள் பயிற்சியின் போது அல்லது விளையாடும் போது மாதவிடாய் ஏற்பட்டால் பல்வேறு சிரமங்களை எதிர்கொள்கின்றனர்.

- 

வெளியிட்ட எட்டாயிரம் மீட்டர் உயரத்தில் ஐந்து சிகரங்களை வெற்றிகரமாக ஏறி சாதனை படைத்த முதல் மலையேறும் வீராங்கனை பிரியங்கா மோகிதே அனுபவங்கள் ஒட்டுமொத்த வீராங்கனைகளின் பக்கம் கவனத்தைத் திருப்பியுள்ளது.

"வெற்றிகரமாக எவரெஸ்ட் சிகரத்தில் ஏறிய பிறகு, நான் கீழே வந்து கொண்டிருந்தேன். எனக்கு அந்த நேரத்தில் மாதவிடாய் தொடங்கிய போது நான் 8,000 மீட்டர் உயரத்தில் இருந்தேன்.நான் மிகவும் களைப்படைந்திருந்தேன். ஆக்ஸிஜன் உருளையுடன் சுமார் 12 மணி நேரம் மலை ஏறினேன். எனக்கு மாதவிடாய் 10 நாட்களுக்குப் பிறகு வரவிருந்தது. ஆனால் சோர்வு அல்லது மோசமான வானிலை காரணமாக இது முன்னதாகவே தொடங்கியிருக்கலாம். ஆனால் நான் அதை எதிர்பார்த்து, அதற்குத் தயாராக இல்லை. கிட்டத்தட்ட இரண்டு நாட்கள் டிஷ்யூ பேப்பரை பேடாகப் பயன்படுத்தினேன்." என்று தமது அனுபவத்தை அண்மையில் பகிர்ந்திருந்தார்.

ஃபிஃபா மகளிர் உலகக் கோப்பைப் போட்டியில் பங்கேற்கும் விளையாட்டு வீராங்கனைகளின் மாதவிடாய் அனுபவங்கள் கேட்கவே மனதுக்குக் கடினமாகவே இருக்கின்றன.