"മഹിളകൾക്ക് മാത്രം

കാരറ്റ്, ബീറ്റ്റൂട്ട് ഹൽവ ഉണ്ടാക്കുമ്പോൾ കുറച്ച് മിൽക്ക് മെയ്ഡ് ഒഴിച്ച് കലക്കിയാൽ ഹൽവയ്ക്ക് നല്ല മണവും രുചിയും കിട്ടും.

- കെ. ലക്ഷ്മി

ഉലുവ വറുത്തുപൊടിച്ച് സൂക്ഷിച്ചുവെച്ചാൽ കറികൾ, പുളിസാദം, ദോശമാവ് എന്നിവയിൽ ആവശ്യാനുസരണം ഉപയോഗിക്കാം. ആഹാരത്തിന് രുചിയും മണവും ഉണ്ടാവുമെന്ന് മാത്രമല്ല ശരീര ആരോഗ്യത്തിനും ഇത് നല്ലതാണ്.

ഉഴുന്നുപരിപ്പ്, ഉലുവ, വറ്റൽമുളക്, പെരുങ്കായം എന്നിവ വറുത്ത് പൊടിച്ച് കറികളിൽ ചേർത്താൽ രുചിയും മണവും കൂടും.

കാബേജ്, തേങ്ങാക്കഷണം എന്നിവ മിക്സിയിലിട്ട് ഒരു ചുറ്റും ചുറ്റിയാൽ അത് ചിരകിയ കണക്കെ കിട്ടും. ജോലിയും എളുപ്പമാവും. സമയവും മിച്ചമാവും.

മുറുക്കിന് മാവുകുഴയ്ക്കുമ്പോൾ മൂന്ന് ടേബിൾ സ്പൂൺ കോൺഫ്ളവർ വറുത്ത് ചേർത്ത് മാവ് കുഴച്ച് മുറുക്കുണ്ടാക്കിയാൽ മുറുക്ക് കൂടുതൽ ക്രിസ്പിയാവും.