ഹൃദയം വഴിത്തിരിവായി

മാളികപ്പുറമടക്കമുള്ള ഹിറ്റ് സിനിമകളിൽ ശ്രദ്ധേയ സാന്നിദ്ധ്യമറിയിച്ച വിജയകൃഷ്ണൻ തന്റെ വിജയ ഗാഥ പങ്കുവയ്ക്കുന്നു.

- ഉമ ആനന്ദ്

പത്ര  ഏജന്റിന്റെ മകനായി പിറന്നതു കൊണ്ട് ബാലസാഹിത്യം യഥേഷ്ടം വായിക്കാൻ അവസരം കിട്ടിയ ബാല്യം. എട്ടാം ക്ളാസിൽ പഠിക്കുമ്പോൾ ജില്ലാ കലോത്സവത്തിൽ മിമിക്രിയിൽ അംഗീകാരം. അധികം വൈകാതെ തന്നെ   വെള്ളിത്തിരയിൽ രംഗപ്രവേശം.

അമ്മയുടെയും അച്ഛന്റെയും വേർപാടോടെ ഏകാകിയായപ്പോൾ പിടിച്ചുനിന്നത് വായനയുടെയും കലയുടെയും പിൻബലത്തിൽ, മാളികപുറമടക്കമുള്ള ഹിറ്റ് സിനിമകളിൽ ശ്രദ്ധേയ സാന്നിദ്ധ്യമറിയിച്ച് വിജയ കൃഷ്ണൻ തന്റെ വിജയ ഗാഥ പങ്കു വയ്ക്കുന്നു.

“ബാലകൃഷ്ണന്റെയും വിജയലക്ഷ്മിയുടേയും ഏക മകനായ ഞാൻ ജനിച്ചതും വളർന്നതും പഠിച്ചതും അമ്മയുടെ നാടായ നിലമ്പൂരിൽ.

പൂക്കോട്ടുംപാടം ഗവൺമെന്റ് ഹയർ സെക്കന്ററി സ്കൂളിലായിരുന്നു പഠനം.