നിലവിളക്ക് കൊളുത്തി ഐശ്വര്യം നേടാം

വീട്ടിലേക്ക് മഹാലക്ഷ്മിയെ സ്വാഗതം ചെയ്യുന്നതിന് വിളക്ക് സഹായകരമാണ്

- ഡോ: പി.ബി. രാജേഷ്

വീടുകളിൽ സന്ധ്യാസമയം കത്തിച്ചു വയ്ക്കുന്ന വിളക്കാണ് നിലവിളക്ക്. എണ്ണയൊഴിച്ച് അതിൽ തുണി നൂല് തിരിയിട്ട് കത്തിക്കുന്ന ഭാഗം ഉയർന്ന്, ഒന്നോ അതിലധികമോ നിലകളോടു കൂടിയ വിളക്കിനെയാണ് നിലവിളക്ക് എന്ന് വിളിക്കുന്നത്.

നിലവിളക്ക് കേരളത്തിൽ പണ്ടു മുതലേ പ്രചാരം നേടിയിരുന്നു. ആദ്യ കാലങ്ങളിൽ ഓടിൽ തീർത്തതായിരുന്നു. പിന്നീട് വെള്ളി ഉൾപ്പെടെയുള്ള ലോഹങ്ങളിൽ അത് ഉണ്ടാക്കി തുടങ്ങി.

ക്ഷേത്രാരാധനയുടെ അനുഷ്ഠാനങ്ങളുടെ ഭാഗമായും ആരാധനയുടെ ഭാഗമായും വ്യാപകമായി ഈ വിളക്ക് ഉപയോഗിക്കുന്നു. അനുഷ്ഠാനം എന്ന നിലയിൽ നിലവിളക്ക് കൊളുത്തുന്നതിന് പ്രത്യേക നിയമങ്ങളുമുണ്ട്. പുരാതന കാലത്ത് കൽവിളക്കും മണ്ണു കൊണ്ടുള്ള വിളക്കുകളുമാണ് ഉപയോഗിച്ചിരുന്നത്.

ലോഹ മിശ്രിതമായ ഓടുകൊണ്ട് നിർമിച്ച നിലവിളക്കാണ് പൂജാകർ മങ്ങൾക്ക് ഉപയോഗിക്കേണ്ടത്. എള്ളെണ്ണയാണ് പൊതുവേ കത്തിക്കാനുപയോഗിക്കുന്നത്. നെയ്യും ആകാം.