അപൂർവ സഹോദരങ്ങൾ

ഒന്നുമില്ലായ്മയിൽ നിന്നും എന്തെങ്കിലുമൊക്കെ ആയി ത്തീർന്ന അപൂർവ സഹോദ രൻമാരായ സുഭാഷ് ചന്ദ്രന്റെയും സുമേഷ് ചന്ദ്രന്റെയും ജീവിതകഥ.

- ഉമ ആനന്ദ്

ജീവിതം വിചിത്രമായ ഒരു പ്രതിഭാസമാണ്. ചിലർ ജനിക്കുന്നത് തന്നെ സൗഭാഗ്യത്തിന്റെ മടിത്തട്ടിലായിരിക്കും. ഭൗതിക സാ ഹചര്യങ്ങളും അനുകൂല അവസരങ്ങളും അവർക്ക് ലഭിച്ചു കൊണ്ടേയിരിക്കും. എന്നാൽ വേറെ ചിലർക്ക് നേരിടേണ്ടി വരുന്നത് പ്രതികൂല സാഹചര്യങ്ങളുടെ പരമ്പരയായിരിക്കും.

തടസ്സങ്ങളിൽ തട്ടി പലരും ജീവിതത്തിന്റെ പുറമ്പോക്കിൽ നിശ്ശബ്ദരാകും.

എന്നാൽ ചുരുക്കം ചിലർ മാത്രം കഠിനമായ പ്രയത്നത്തിലൂടെയും അചഞ്ചലമായ ആത്മവിശ്വാസത്തിലൂടെയും ജീവിതത്തിൽ ലക്ഷ്യം നേടും. പൊരുതി നേടിയ വിജയത്തിന് മാധുര്യവുമേറും.

ഒന്നുമില്ലായ്മയിൽ നിന്നും എന്തെങ്കിലുമൊക്കെ ആയിത്തീർന്ന അപൂർവ സഹോദരൻമാരാണ് സുഭാഷ് ചന്ദ്രനും സുമേഷ് ചന്ദ്രനും. ഇവിടെ സ്വന്തം കഥയും അനിയന്റെ കഥയും ഒരുമിച്ച് പറയുകയാണ് സുഭാഷ് ചന്ദ്രൻ.

ജനിച്ചപ്പോൾ മുതൽ പാട്ടും അഭിനയവും കണ്ടു വളർന്ന ഞങ്ങൾ ഇന്ന് എന്തെങ്കിലും ആയിട്ടുണ്ടെങ്കിൽ സ്വ പ്രയത്നം മാത്രമാണ് കാരണം. സിനിമ കാണൽ അല്ലാതെ സിനിമാ ലോകവുമായി ഒരു ബന്ധവും ഉണ്ടായിരുന്നില്ല. ശുപാർശയ്ക്കും ആരും ഉണ്ടായിരുന്നില്ല. ഞങ്ങൾ ജനിച്ചത് കാക്കനാട് അടുത്തുള്ള പഴതോട്ടത്ത്. അച്ഛൻ ചന്ദ്രനും അമ്മ ശാന്തക്കും ഞങ്ങൾ രണ്ടാൺമക്കൾ. രണ്ട് വയസ്സ് പ്രായവ്യത്യാസം. കുഞ്ഞു വീട്ടിലെ കുടുസ്സു മുറിയിൽ തബലയും ഹാർമോണിയവും കണ്ടായിരുന്നു ഞങ്ങളുടെ വളർച്ച. പണ്ടത്തെ വില്ലടിച്ചാംപാട്ടിൽ ഒരു ഹാസ്യ കഥാപാത്രമുണ്ട്. അത് എന്റെ അച്ഛനായിരുന്നു ചെയ്തിരുന്നത്. മാത്രമല്ല. നാടകത്തിന്റെയും ഡാൻസിന്റേയും റിഹേഴ്സൽ നടന്നിരുന്നത് ഞങ്ങളുടെ വീട്ടിലാണ്. സ്വാഭാവികമായും ഞങ്ങളും കല ആസ്വദിച്ചു തുടങ്ങി. തലയ്ക്കു പിടിച്ചു എന്നു പറയുന്നതാവും കുടുതൽ ഉചിതം.

അച്ഛന് സിനിമ ലഹരി