ഒന്നാം എലിസബത്ത് റാണി

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

ലോകം മാറ്റിമറിച്ച സ്ത്രീകളുടെ പട്ടികയെടുത്താൽ അതിൽ ആദ്യത്തെ പത്തു പേരുകളുടെ കൂട്ടത്തിൽ തീർച്ചയായും പതിനാറാം നൂറ്റാണ്ടിൽ ഇംഗ്ലണ്ടും അയർലണ്ടും ഭരിച്ച ഒന്നാം എലിസബത്ത് രാജ്ഞിയുടെ പേരുണ്ടാകും. ബ്രിട്ടണിലെ രണ്ടാം എലിസബത്ത് രാജ്ഞി 2022 സെപ്തംബർ എട്ടിനാണ് അന്തരിച്ചത് എന്ന് ഓർക്കുക. ഒന്നാം എലിസബത്തിന്റെ ജീവിതകഥ അത്യധികം ഉദ്യോഗജനകമാണ്. യൂറോപ്പിൽ പതിനഞ്ചാം നൂറ്റാണ്ടിൽ ശക്തരായിരുന്ന ട്യൂഡർ വംശമാണ് പുരോഹിതന്മാരുടെ പിന്തുണയുള്ള ഫ്യൂഡൽ പ്രഭുക്കന്മാരിൽ നിന്നും രാജ്യഭരണം പൂർണ്ണമായും രാജാക്കന്മാരിൽ എത്തിച്ചത്. അങ്ങനെ ലോകത്ത് ആധുനിക രീതിയിലുള്ള രാജഭരണരീതി പ്രാബല്യത്തിൽ വന്നത് ട്യൂഡർ വംശം ആണെന്ന് കരുതപ്പെടുന്നു. ഒരു നൂറ്റാണ്ടിലേറെക്കാലം ഇംഗ്ലണ്ട് ഭരിച്ച ട്യൂഡർ വംശത്തിലെ അവസാനത്തെ ഭരണാധികാരിയാണ് ഒന്നാം എലിസബത്ത് രാജ്ഞി. എലിസബത്ത് വളരെച്ചെറിയ കുട്ടിയായിരുന്നപ്പോൾത്തന്നെ മാതാവിനെ വധശിക്ഷയ്ക്ക് വിധേയയാക്കി. അത് സുഖമുള്ളതായിരുന്നില്ല എലിസബത്തിന്റെ ചെറുപ്പകാലം. ഹെൻട്രി എട്ടാമന്റെ രണ്ടാം ഭാര്യയിലുള്ള പുത്രിയായിരുന്നു എലിസബത്ത്. പിതാവിന്റെ ആദ്യഭാര്യയുമായുള്ള വിവാഹം റദ്ദു ചെയ്തിരുന്നതിനാൽ നിയമപരമായി രണ്ടാം ഭാര്യയിലുള്ള എലിസബത്തിനായിരുന്നു രാജ്യഭരണത്തിന്റെ അവകാശം ലഭിക്കേണ്ടത്. എന്നാൽ അവളുടെ അർദ്ധസഹോദരൻ എഡ്വേഡ് ആറാമനായിരുന്നു പിതാവിനു ശേഷം രാജ്യം ഭരിച്ചത്. എഡ്വേഡിന് പ്രായപൂർത്തിയാകാത്തതിനാൽ റീജൻസി കൗൺസിലായിരുന്നു ഭരണം സത്യത്തിൽ