മഡഗാസ്കറിലെ രണവലോണ രാജ്ഞി

ഇതിഹാസത്തിലെ സ്ത്രീകൾ

- കണക്കുര്‍ ആര്‍. സുരേഷ്കുമാര്‍

ഒന്നര നൂറ്റാണ്ടുകള്‍ മുമ്പ്‌ മഡഗാസ്‌കര്‍ ഭരിച്ചിരുന്ന രാജ്ഞിയായ രണവലോണയെ ക്രൂരതയുടെ പര്യായമായി ചിലര്‍ കരുതുന്നുണ്ട്‌. റമാവൊ എന്ന പേരിലാണ്‌ അവള്‍ അറിയപ്പെട്ടിരുന്നത്‌. ഭര്‍ത്താവിന്റെ അകാല ചരമത്തോടെ സ്വയം രാജ്യഭാരം ഏറ്റെടുത്ത അവള്‍ 1828 മുതല്‍ 33 വര്‍ഷങ്ങളാണ്‌ രാജ്യം ഭരിച്ചത്‌. മറ്റ്‌ യൂറോപ്യന്‍ രാജ്യങ്ങളുമായുള്ള രാഷ്ട്രീയ സാമ്പത്തിക ബന്ധങ്ങള്‍ അവള്‍ കുറച്ചു കൊണ്ടുവന്നു. ഭര്‍ത്താവ്‌ റഡാമയുടെ കാലത്ത്‌ രാജ്യത്ത്‌ വേരുപിടിക്കാന്‍ തുടങ്ങിയ ക്രിസ്ത്യന്‍ മിഷനറി പ്രസ്ഥാനങ്ങളുടെ വേരറക്കുവാന്‍ അവള്‍ ശക്തമായ നടപടികള്‍ കൈക്കൊണ്ടു. 1778ലാണ്‌ മഡഗാസ്കര്‍ രാജവംശത്തിലെ ഒരു ഉപകുടുംബത്തില്‍ റമാവൊ എന്നു വിളിക്കപ്പെട്ട രണവലോണ ജനിച്ചത്‌. അവള്‍ ഒരു ചെറിയ കുട്ടിയായിരിക്കുമ്പോള്‍ ഒരു സംഭവമുണ്ടായി. മഡഗാസ്‌കര്‍ രാജാവിന്‌ നേരെയുള്ള ഒരു വധ്ശ്രമത്തെ റമാവൊയുടെ അച്ഛന്റെ തക്കസമയത്തുള്ള ഇടപെടലുകള്‍ കൊണ്ട്‌ അതിജീവിക്കാന്‍ രാജാവിന്‌ കഴിഞ്ഞു. ഇതിന്‌ പ്രത്യുപകാരമായി രാജാവ്‌ തന്റെ മകന്‍ റഡാമയുടെ വധുവായി റമാവോയെ സ്വീകരിക്കുമെന്ന്‌ പ്രഖ്യാപിച്ചു. മാത്രമല്ല, ഈ ദമ്പതികള്‍ക്കുണ്ടാകുന്ന പുത്രന്‌ രാജ്യത്