புதுமையனே அனுபவத்தை கொடுக்கும் பாடல்களில் !

இன்ஸ்டாவில் நடிகைகள் போல கிளாமர் புகைப் படங்களை பகிரும் பாடகி ஜோனிடா காந்தி, யூடியூப் கவர் பாடல்களில் தொடங்கி, தன் திரைஇசை வாழ்க்கை, மேடைகச்சேரி அனுபவம் வரை தன் பயணம் குறித்து மனம் திறக்கிறார்.

- 

உங்களோட நிறை, குறைகள் என்னன்னு நினைக்குறீங்க?

எனக்கு ஞாபக சக்தி ரொம்ப கம்மி. அதனால என்னோட மறக்க முடியாத நினைவுகளை எழுதி வச்சிடுவேன்.

எனக்குள்ள பெருசா எந்த கருத்துகளும் இருந்ததில்ல, என் வாழ்க்கை முன்னெடுத்துப் போக தேவையான எனர்ஜி மட்டும் தான் எனக்குள்ள இருக்கு. என்னை சுத்தி நடக்குற விஷயங்களை பற்றி தெளிவான புரிதல் எப்போவும் எனக்கு உண்டு.

என்னை பற்றி, என்னோட பாடல்களை பற்றி மக்கள் நிறைய பேசுவாங்க.

சில நேரங்களில் என்னைப் பற்றிய நெகட்டிவ் கமெண்ட்ஸ் கூட வந்ததுண்டு.

ஆனா எல்லாத்தையும் நான் அமைதியா எடுத்துப்பேன்.

எதையும் எதிர்த்து நான் போராட மாட்டேன், விமர்சனங்களை கண்டுக்காம புறம் தள்ளவும் மாட்டேன்.

ஒரு ஜென் மனநிலையில் எல்லா விஷயங்களையும் அணுகுவேன். எதையும் நமக்குள்ள போர்ஸ் பண்ணக் கூடாதுன்னு சொல்வாங்க.

அதைத் தான் நான் எப்போவும் பாலோ பண்ணுறேன்.

ஏ.ஆர்.ரஹ்மான் கூட வொர்க் பண்ண அனுபவம் பற்றி சொல்லுங்க?

அவரோட இசையில் ஹைவே படத்தில் நான் பாடின 'கஹான் ஹூன் மேன்' பாடல் தான் என்னோட கெரியரில் திருப்புமுனையா அமைஞ்சது.

அதுவரைக்கும் நான் வெஸ்டர்ன் பாப் பாடல்களைத் தான் அதிகம் பாடிட்டு இருந்தேன். ஆனா, லதா மங்கேஸ்கர் பாடல்களை பாடச் சொல்லி ரசிகர்கள் கேட்ட போது என்ன வச்சு காமெடி பண்ணுறாங்களான்னு நினைக்கத் தோணுச்சு.