வளர்ச்சிக்கு சுதந்திரம் முக்கியம்!

பொன்னியின் செல்வம் படம் மூலம் பான் இந்தியா ப்யூட்டியான ஐஸ்வர்ய லட்சுமி, அதன் பிறகும் சில படங்களில் மட்டுமே தலைகாட்டி வருகிறார். இருந்தும் பரபரப்பு கருத்துகளை அவ்வப்போது கூறி தன் இருப்பை காட்டி கொள்பவர், தனது சினிமா அனுபவங்கள் பற்றி மனம் திறக்கிறார்.

- ஐஸ்வர்ய லட்சுமி

சினிமாவுக்கு வந்த அனுபவம் பற்றி செல்லுங்க?

நான் மாடலிங்கில் இருந்து சினிமாவுக்கு வந்தது எதிர்பாராம நடந்தது.சினிமா மேல இருந்த ஆர்வத்தில் நான் நடிக்க ஆரம்பிச்சேன்.

இப்போ அதுவே என்னோட தொழில் ஆகிடுச்சு. முதல் படத்தில் நடிக்குறப்போ எனக்கு கேரமாவை போகஸ் பண்ணி நிற்கவே தெரியல, என்ன பண்றதுன்னு புரியாம கண்ணை மூடிட்டு நின்னுட்டேன். அந்த பட ஷூட்டிங் முடிஞ்சப்போ,

உணர்ச்சிவசப்பட்டு அழுதேன்.

ஷூட்டிங்கில் என்ன தப்பு பண்ணேன்'ன்னு புரிஞ்சிட்டு அதை சரி பண்ணனும்'ன்னு நினைச்சேன். மும்பைக்கு போய் ஒரு மாசம் வொர்க் ஷாப் அட்டெண்ட் பண்ணேன்.

சினிமா ஒரு கலை படைப்புன்னு புரிஞ்சிக்கிட்ட பிறகு ரசிச்சு நடிக்க ஆரம்பிச்சிட்டேன்.

நடிப்புல எல்லாமே கத்துக்கிட்டேன்னு அர்த்தமில்லை. அதுக்கான முயற்சியில் தீவிரமா இறங்கினேன்.

ஆடியன்ஸ், பிரண்ட்ஸ் சொல்ற கமெண்ட்ஸ் எல்லாம் கேட்டுட்டு ஒரு நல்ல நடிகை ஆகணும்'ங்கிறதுக்காக கடின உழைப்பைக் கொடுத்தேன்.

நல்ல இயக்குனர்கள் கூட வொர்க் பண்ண ட்ரை பண்ணேன். அதுக்கு ஏற்ற மாதிரி என்னுடைய நடிப்பில், கெரியர் கிராப்டில் முன்னேற்றம் ஏற்பட்டது.

இப்போ, என்னுடைய திறமை எதில் இருக்குன்னு புரிஞ்சிக்கிட்டு அதற்கு ஏற்ற மாதிரி கதைகளில் நடிச்சிட்டு இருக்கேன்.