பணம்தான் முக்கியம் என்று குப்பை கொட்டுகிறார்கள்!

'நடிகர் விஜய்-ன் அடுத்தக்கட்ட வளர்ச்சிக்கு உதவியவர் விஜயகாந்த்' என்று மலரும் நினைவுகளை தற்போது பகிர்ந்துள்ள இயக்குநர் எஸ்.ஏ.சந்திரசேகர்விஜயகாந்த் உறவு என்பது அண்ணன், தம்பி உறவு போன்றது.

- 

எஸ்.ஏ.சி.பிஸியான இயக்குநராக வலம் வந்த 1980 காலக்கட்டத்தில் அவர் விஜயகாந்தை வைத்து இயக்கிய 'சாட்சி’ படத்தின் படப்பிடிப்பின் இடையே தேவி வார இதழுக்கு வழங்கிய பேட்டி வாசகர்களுக்காக.

ஜீப் தயார்! ஸ்டண்ட் மாஸ்டர் ராஜூ ஜீப் ஓட்ட, அருகில் சங்கிலி முருகன் மற்றும் 'குண்டர்கள்'! ஒளிப்பதிவாளர் கேசவன் தலைமையில் 2 கேமராக்கள் ஆவலோடு காத்திருந்தன.

டைரக்டர் எஸ்.ஏ.சந்திரசேகர் ஸ்டார்ட் சொன்னதும் 'சாட்சி' தயாரிப்பாளர் பி.எஸ்.வீரப்பா காட்சி சிறப்பாக அமைய வேண்டுமே, யாருக்கும் எதுவும் ஏற்பட்டுவிடக் கூடாதே என்ற கவலையுடன் தன்னை மறந்தவராக 'முருகா' என்று கூறினார்.