5-ஆவது முறையாக பிரதமர்; வங்கதேச ஷேக்ஹசீனா கதை!

அரசியலில் பெண்கள் முதன்மை பெறுவது எளிதல்ல. பல்வேறு தடைகளையும் தகர்த்தெறிந்துவிட்டு அரசியல் களத்தில் முதன்மை பெற்றுள்ள பெண்கள் சொற்பமே.

- கயலிணைக்கொடிமிடல்

ஓரிருமுறை பிரதமராவதே அபூர்வமானது என்ற சூழ்நிலையில் 5-ஆவது தடவை வங்கதேச பிரதமாராகியுள்ள ஷேக் ஹசீனா உலகின் கவனத்தை ஈர்த்துள்ளார்.

இந்தியாவின் முன்னாள் பிரதமர் இந்திரா காந்தி இலங்கையின் முன்னாள் பிரதமர் ஸ்ரீமாவோபண்டாரா நாயகா இங்கிலாந்தின் முன்னாள் மார்க்கரெட் தாட்கர் உள்ளிட்டோரை எல்லாம் விஞ்சி வரலாற்று சாதனை படைத்துள்ளார் என ஹசீனாவை அரசியல் நோக்கர்கள் பாராட்டியுள்ளனர்.

வங்காளதேசம் தனிநாடாக பிரிந்ததற்கு வங்காளிகளின் மொழி உணர்வும் பிரதான காரணமாகும்.

அது மட்டுமில்லாமல் கிழக்கு பாகிஸ்தான் என்று அழைக்கப்பட்ட வங்கத்துக்கும் மேற்கு பாகிஸ்தானுக்கும் இடையே நெடுந்தொலைவு இருந்தது.