వధువు కోసం మేకప్ ఆర్టిస్టుని ఎలా ఎంచుకోవాలి?

బ్రైడల్ మేకప్ కోసం మీరు ఎంచుకునే మేకప్ ఆర్టిస్టులో ఈ ఉన్నాయా?

- - పారూల్ భట్నాగర్ •

పెళ్లిలో దుస్తులు ఎంత ముఖ్యమో మేకప్ ఆర్టిస్టు అంతే అవసరం.వారు మన ముఖాన్ని తీర్చిదిద్ది దుస్తుల్లో ఆకర్షణ తీసుకువస్తారు. కానీ వీరి ఎంపికలో తప్పు జరిగితే ఎంతో ముఖ్యమైన జ్ఞాపకంగా గుర్తుంచుకునే పెళ్లి రోజు చెడిపోవడం ఖాయం.కాబట్టి మేకప్ ఆర్టిస్టును ఎంచుకోవడానికి మీరు బాగా రీసెర్చి చేయాలి.

బ్యూటీ ఎక్స్పర్ట్ పూజా నాగదేవ్ మాట్లాడుతూ దీని కోసం మీ స్నేహితులు, ఫేస్బుక్, ఇన్ఫ్రాగ్రామ్, వెబ్సైట్ల సహాయంతో వారికి ఫోన్ చేసి అపాయింట్మెంట్ తీసుకుని నేరుగా మాట్లాడాలని చెప్పారు. ఈ మధ్య వారు ఎలాంటి మేకప్ చేసారు అన్న వివరాలూ తీసుకోవాలన్నారు. దీంతో 'స్పెషల్ డే' రోజున వారు ఎలాంటి మేకప్ చేస్తారన్నది మీకు తెలుస్తుంది.

మేకప్ ట్రెండ్స్ అర్థం చేసుకోండి

మేకప్ ఆర్టిస్టుగా ఉండటం పెద్ద విషయం కాదు. కానీ మేకప్లో ఎప్పటికప్పుడు తమను తాము అప్డేట్ చేసుకోవడం అందరికీ సాధ్యం కాకపోవచ్చు. ఈ రంగంలో స్థిరపడాలనుకునే వారు కొత్త మేకప్ టెక్నిక్లను తెలుసుకుంటూ, అప్డేట్ చేసుకుంటూ ఉండాలి. ఇలాంటి పరిస్థితుల్లో మీరు మేకప్ ఆర్టిస్టును ఎంచుకునే ముందు వారికి లేటెస్ట్ మేకప్ ట్రెండ్స్పై ఎంత పరిజ్ఞానం ఉందో తెలుసుకోవాలి.

దీని కోసం మీరు రీసెర్చి చేయాలి. ఈ ప్రత్యేకమైన రోజున ఆర్టిస్టు మీ ముఖానికి ఎలాంటి మేకప్ వేయబోతున్నారన్నది తెలుసుకోవాలి.ప్రస్తుతం ఎన్నో రకాల మేకప్ ట్రెండ్స్ ప్రచారంలో ఉన్నాయి. ఇవి ఒక్కో చర్మానికి ఒక్కో రకంగా ఉంటాయి. కాబట్టి వీటి గురించి తెలుసా అని మీరు ఆర్టిస్టును అడగాలి.

హై డెఫినేషన్ మేకప్ : ఈ మేకప్ మీకు న్యాచురల్ లుక్ ఇస్తుంది. అసహ్యంగా, మురికిగా : ఉండే చర్మంపై మచ్చలను, గీతలను దాచిపెట్టి సహజ రూపాన్ని అందిస్తుంది. ముఖం మెరిసిపోతూ సహజంగా కనిపించినప్పుడు ఫొటోలు సైతం బాగా వస్తాయి. ప్రతి వధువు ఇది కోరుకుంటుంది. అందుకే సెలబ్రిటీలు, మేకప్ ఆర్టిస్టులు ఈ తరహా మేకప్కు ఎక్కువ ప్రాధాన్యత ఇస్తారు.