தனித்துவமாக்குமே தனிமை!

"இப்போது இளம் பெண்களில் திருமணம் செய்யாத போக்கு அதிகரித்து வருகிறது. ஏன் இந்த மாற்றம்?..''

- 

“அம்மா, இன்று எனக்காக சமைக்காதீங்க. அனுஷாவின் வீட்டில் பார்ட்டி இருக்கு.'

“அவளுக்கு நிச்சயதார்த்தம் ஆகிவிட்டதா?

"அம்மா... அவ அமெரிக்கா போறா."

“32 வயசாயிடுச்சே, திருமணம் எப்ப பண்ணுவா?

“திருமணம் அவசியமா? அவ ஒரு பெரிய நிறுவனத்தில் மேனேஜர். வருடம் 20 லட்ச ரூபாய் சம்பளம். இப்போ அவ அமெரிக்கா போனா, சம்பளமும் பதவியும் உயரும். திருமணம் பண்ணிட்டு, கணவருக்கு பிடிக்கிற மாதிரி நடக்கணும் - டீ போடணும், சமைக்கணும், அவருக்கு பிடிச்ச ஆடைகள் அணியணும்... இப்படிப்பட்ட விஷயங்களில் எனக்கு விருப்பமே இல்லை. தனியா இருந்தா - சுதந்திரமா இருக்கலாம் - என்ன பிடிச்சதோ அதைப் பண்ணலாம்."

ரேவதி கொஞ்சம் கோபத்தோடு சொன்னாள்: "ரியா, நீ ரொம்ப பேச ஆரம்பிச்சுட்டே. உனக்கும் இப்போதும் 31 வயது. உனக்கு பிடிச்சவங்க யாராவது இருந்தா எனக்கு காட்டு, பிடிச்சா உன்னோட திருமணம் சீக்கிரம் பண்ணிடலாம்."

“திருமணமா? எனக்கா-மா? மை ஃபூட்!” என்று சொல்லிக்கொண்டு ரியா வெளியேறினாள்.

புறப்படும்போது சொன்னாள், "நான் ஒரு விஷயத்தை சொல்ல மறந்துட்டேன் - வேலை மாற்றி, கூகுள் நிறுவனத்தில் சேர்ந்துட்டேன். சனிக்கிழமை எனக்கு மும்பைக்கு விமானம் இருக்கு. திங்கட்கிழமை எனக்கு அப்பாயின்மென்ட்.”

“நீ இது வரை எனக்கு ஏன் சொல்லல?”

“அனைத்து விஷயங்களும் சொல்லணுமா? ரொம்ப அவசியமா?” ரேவதி மனதில் யோசிக்கிறாள். இந்த புதிய தலைமுறை ஏன் திருமணத்திலிருந்து விலகுகிறார்கள்? இவர்களுக்கு நம்ம மாதிரி பணத்துக்காக கணவரை சார்ந்திருக்க வேண்டிய அவசியமில்லை. இவர்கள் தங்களின் வாழ்க்கையை தாங்களே கட்டுப்படுத்த விரும்புகிறார்கள்.

நிச்சயமாக நம்ம மாதிரி பணத்துக்காக யாரையும் கேட்டு கெஞ்ச வேண்டிய அவசியமில்லை. “ஆனா... திருமணம், குடும்பம், பிள்ளைகள் எல்லாம் காலத்துக்கேற்ப நடக்கணும். ஆனால் இந்த தலைமுறையை நாம் கட்டாயப்படுத்த முடியாது.

இன்றைய சமூகம் ஒரு பெரிய மாற்றத்துக்கு நடுவிலிருக்கிறது. இளம் பெண்களில் திருமணத்திற்கு எதிரான எண்ணங்கள் அதிகரித்து வருகிறது. இதற்குப் பல காரணங்கள் உண்டு: பண சுதந்திரம், தனிப்பட்ட விருப்பங்கள், பணிச்சூழல், சமூக மாற்றங்கள் மற்றும் மனநிலை.