ലൈറ്റല്ല ലൈറ്റിങ്

വീടിന് അഴകും പ്രൗഢിയും നൽകാൻ ലൈറ്റിങ്ങിലെ പുത്തൻ ട്രെൻഡുകൾ

- റോസ് മരിയ വിൻസെന്റ്

പുതിയ വീട് പണിതാലും പഴയ വീടിനെ പുതുക്കിയാലുമെല്ലാം ആദ്യം മനസ്സിൽ വരുന്നത് ഇനി ലൈറ്റിങ് എങ്ങനെ എന്ന ചിന്തയാവും. വീടുകൾ മൊത്തം ട്യൂബ് ലൈറ്റിന്റെ പ്രകാശത്തിൽ കുളിച്ചു നിൽക്കുന്ന കാലം കഴിഞ്ഞു. ഓരോ മുറികൾക്കും ഓരോ തരം ലൈറ്റിങ് എന്നാണ് പുത്തൻ രീതി. കൃത്യമായ ലൈറ്റി ങ് വീടിന്റെ മോടികൂട്ടും. നിങ്ങളുടെ വീടിനെ അടിമുടി വ്യത്യസ്തമാക്കാൻ ഇതാ ചില ലൈറ്റിങ് ട്രൻഡുകൾ,

ലിവിങ് റൂമിൽ പോസിറ്റീവ് വൈബ്സ്

 വീട്ടിലേക്ക് കയറിവരുന്ന ആരുടെയും കണ്ണുകൾ ആദ്യം പോകുക ലിവിങ് റൂമിലെ സൗകര്യങ്ങളിലേക്കായിരിക്കും. അതുകൊണ്ട് ലിവിങ് റൂം ലൈറ്റിങ് പ്രാധാന്യത്തോടെ വേണം ചെയ്യാൻ.

ഷാഡോ ഫ്രീ ലൈറ്റിങ്, ആക് സന്റ് ലൈറ്റിങ്, ആംബിയന്റ് എന്നിങ്ങനെ മൂന്ന് രീതികളിൽ ലിവിങ് ലൈറ്റിങ് റൂമിനെ ഒരുക്കാം.

1. ആർട്ട് പോലെ

ചെറിയ പെൻഡന്റ് ലൈറ്റുകളുടെ ഒരു കൂട്ടമോ, ഒരേ നിരയിലല്ലാതെ പലഭാഗത്തേക്ക് ശാഖകൾ പോലെ ലൈറ്റുകൾ ഒന്നിച്ചുവെച്ച് ട്രാക്ക് ലൈറ്റുകളോ നൽകാം.

2. ട്രഡീഷണൽ ഷാൻഡ്ലിയർ

ലിവിങ് റൂമിൽ ട്രഡീഷണൽ ഫീൽ നൽകാൻ ഇത്തരം ലൈറ്റുകൾ സഹായിക്കും. പഴയ രൂപത്തിൽ നിന്ന് വ്യത്യസ്തമായി പലതരം നിറങ്ങൾ, നിറങ്ങളുള്ള ഗ്ലാസുകൾ, പല ആകൃതികൾ എന്നിവയെല്ലാം മിക്സ് ചെയ്ത് ഷാൻഡ്ലിയറുകളെ ഒരുക്കാം.

3. ഓവർ സൈസ്ഡ് ലൈറ്റ്സ്

വലിയ പെൻഡന്റ് ലൈറ്റുകൾ ഇപ്പോൾ ട്രെൻഡാണ്. മുറിയുടെ മൊത്തം ഫോക്കസ് പോയിന്റിനെയും മാറ്റിമറിക്കും ഇവ. വെറുതേ അലങ്കാരത്തിനായി ഉപയോഗിച്ചാലും മുറിക്ക് പ്രത്യേക ഭംഗി ലഭിക്കും.

4. വിന്റേജ് സ്റ്റൈൽ ലാമ്പ് ഷേഡ്സ്

പഴയകാലത്തെ അലങ്കാരപ്പണികളുള്ള ലാമ്പ് ഷേഡുകൾ ഇപ്പോൾ തിരിച്ചെത്തുന്നുണ്ട്. വലിയ പാറ്റേണുകളും പ്രിന്റുകളുമുള്ള അത്തരം വിന്റേജ് ലാമ്പ് ഷേഡുകൾ ഇപ്പോൾ ട്രെൻഡാണ്.

5. സെറാമിക് സ്കൾപ്ച്ചർ