ആശകളും ഉത്തരങ്ങളും

"മനോഹരമായ സ്വപ്നമാണ് സിനിമ... പക്ഷേ, ജീവിക്കാൻ ആ സ്വപ്നത്തെ മാത്രം ആശ്രയിക്കരുത്... നൃത്തത്തിന്റെയും അഭിനയത്തിന്റെയും ഇടവേളയിൽ ആശാ ശരത്ത് സംസാരിക്കുന്നു, ഒപ്പം മകൾ ഉത്തരയും

- 

മിനി സ്ക്രീനിൽ നിന്ന് ബിഗ് സ്ക്രീനിലേക്കുള്ള ദൂരം താണ്ടിയവർ അധികമില്ല. ആ പതിവ് തെറ്റിച്ചു കൊണ്ടാണ് ആശാ ശരത്ത് സീരിയലിൽ നിന്ന് മലയാള സിനിമയിലേക്ക് കാലെടുത്തു വെച്ചത്. യു.കെയിൽ നിന്ന് ബിസിനസ് അനലിറ്റിക്സ് പഠനം പൂർത്തിയാക്കിയ മകൾ ഉത്തരയും സിനിമയിലേക്ക്. ആദ്യ സിനിമ അമ്മയ്ക്കൊപ്പം. മനോജ് കാന സംവിധാനം ചെ ഖദ്ദ'യിലൂടെ അമ്മയും മകളും വെള്ളിത്തിരയിൽ ഒന്നിച്ചു.

ഉലച്ച കഥാപാത്രങ്ങൾ

 സോഷ്യൽ മീഡിയയിൽ ആശയും അമ്മയും മകളും ചേർന്നുള്ള ഡാൻസ് ചാലഞ്ച് ട്രെൻഡാണ്. സിനിമയുടെ പ്രൊമോഷന്റെ ഭാഗമായി ഷൂട്ട് ചെയ്ത വീഡിയോ ആണത്...'' ചെറുചിരിയോടെ ആശ സംസാരത്തിലേക്ക് കടന്നു.

“ ഖെദ്ദ എന്ന പേരിന് കെണി എന്നാണർഥം. ഞാൻ കഥ കേട്ടിട്ട് ആറു വർഷമായി. സിനിമ ചെയ്തു തീർത്തിട്ടും ഒന്നര വർഷമായി. പക്ഷേ സബിത വിട്ടകലുന്നില്ല. അങ്ങനെ ചില കഥാപാത്രങ്ങളുണ്ട്. ഇതിനു മുൻപ് എന്നെ പിടിച്ചുലച്ചിട്ടുള്ളത് 'ദൃശ്യ'ത്തിലെ ഗീതയാണ്. മകന് എന്ത് പറ്റിയെന്ന് അറിയാൻ കഴിയാത്ത ഒരമ്മ. അവൻ തെറ്റുകാരനായിരിക്കാം. പക്ഷേ, ആ അമ്മയ്ക്ക് നീതി കിട്ടിയിട്ടില്ല എന്ന ദുഃഖം എനിക്കെന്നുമുണ്ട്.'' അമ്മയുടെ വാക്കുകൾക്ക് കാതോർത്ത് അരികിലിരിപ്പുണ്ട് ഉത്തര. കലാമണ്ഡലം സുമതിയുടെ പേരക്കുട്ടി, ആശാ ശരത്തിന്റെ മകൾ. കാണികൾ മാറ്റുരച്ചു നോക്കുന്നത് അമ്മയോടും അമ്മൂമ്മയോടും. എളുപ്പമാണോ യാത്ര എന്നു ചോദിച്ചപ്പോൾ ഉത്തരയുടെ ഉത്തരമിങ്ങനെ:  "ആ താരതമ്യം സ്വാഭാവികമാണെന്ന് തോന്നുന്നു. ഇവർ രണ്ടു പേരും എന്റെ ഗുരുക്കന്മാരാണ്. എന്നെ എന്നോടുതന്നെ താരതമ്യപ്പെടുത്താനാണ് എനിക്കിഷ്ടം 

 മകളുടെ സംസാരത്തിന്റെ ഓരം ചേർന്ന് ആശ തുടർന്നു. സ്വന്തം വീഡിയോ കാണുമ്പോൾ അയ്യേ ഞാനെന്താ ഈ കാണിക്കുന്നത് എന്ന് തോന്നിയിട്ടുണ്ട്. കോളേജിൽ ഡാൻസ് ചെയ്തപ്പോൾ സുമതി ടീച്ചറുടെ മകൾ ഇങ്ങനെ കളിച്ചാൽ പോരെന്ന് ആരൊക്കെയോ പറഞ്ഞിട്ടുണ്ട്. അമ്മയോടുള്ള സ്നേഹവും ബഹുമാനവുമാണ് അതിനു പിന്നിൽ. ഞാൻ മെച്ചപ്പെട്ടു  കാണണമെന്ന ആഗ്രഹവും.

അമ്മ എന്ന ഗുരു