സിംഗിളാണ് ഞാൻ സ്വപ്നജീവിയാണ്

തന്റെ കഥാപാത്രങ്ങളെ പോലെ ഒറ്റയ്ക്കുള്ള ജീവിതം ആസ്വദിക്കുകയാണ് ദീപ്തി സതി

- സുരജ്‌ സുകുമാരന്‍

ഏഴ്‌ വര്‍ഷം മുമ്പുവരെ കേരളം ദീപ്തി സതിക്ക്‌ കുട്ടിക്കാലത്ത്‌ അമ്മ പറഞ്ഞ നൊസ്റ്റാള്‍ജിക്ക്‌ കഥയിലെ അത്ഭുത ലോകം മാത്രമായിരുന്നു. മുംബൈ നഗരത്തിന്റെ വേഗത്തിനൊപ്പം വളര്‍ന്ന പെണ്‍കുട്ടിക്ക്‌ ഇന്ത്യയുടെ തെക്കേ അറ്റത്തെ ആ പച്ചത്തുരുത്ത്‌ ഒരു വണ്ടര്‍ലാന്‍ഡായിരുന്നു. മോഡലിങ്‌ രംഗത്ത്‌ ചുവടുവച്ച്‌ ബോളിവുഡ്‌ സി നിമാലോകം സ്വപ്നം കണ്ടാണ്‌ ഓരോ പകലിലും ദീപ്തി സതി ഉണര്‍ന്നിരുന്നത്‌. ഒരുപകലില്‍ തെക്കേ അറ്റത്തെ ആ വണ്ടര്‍ലാന്‍ഡില്‍ നിന്നൊരുഫോണ്‍ കോള്‍ അവളെ തേടിയെത്തി. നീന” എന്ന മലയാളസിനിമയില്‍ ടൈറ്റില്‍ റോളിലേക്കുള്ള ക്ഷണം. വിളിച്ചത്‌ സംവിധായകന്‍ ലാല്‍ജോസ്‌. മലയാളത്തില്‍ ഒരുവാക്ക്‌ പോലും ഉച്ചരിക്കാന്‍ അറിയാത്ത, അതുവരെ മലയാള സിനിമ കണ്ടിട്ടില്ലാത്ത ദീപ്തി ഒരു സംശയവുമില്ലാതെ യെസ്‌ പറഞ്ഞു. അമ്മയുടെ നാട്ടില്‍ നിന്ന്‌ വന്ന ആ വിളി ജീവിതത്തിന്റെ വഴിത്തിരിവാണെന്ന്‌ മനസ്സ്‌ മന്ത്രിച്ചിരുന്നു. നീന'യില്‍ അഭിനയിക്കാന്‍ മലയാളനാട്ടിലെത്തിയ ദീപ്തിക്ക്‌ പിന്നീടുള്ള വര്‍ഷങ്ങളില്‍ മുംബൈയിലെ പകലുകള്‍ കുറയുകയും കേരളത്തിലെ പ്രഭാതങ്ങള്‍ കൂടുകയും ചെയ്തു. കലണ്ടറുകള്‍ മറിഞ്ഞ്‌ 2022 ല്‍ എത്തുമ്പോള്‍ ഒഴുകുന്ന പുഴപോലെ തെളിമലയാളം പറയുന്ന അസ്സല്‍ മലയാളിയായി ദീപ്തി മാറിക്കഴിഞ്ഞു. പത്തൊമ്പതാം നൂറ്റാണ്ട്‌, ഗോള്‍ഡ്‌ തുടങ്ങിയ പുതിയ ചിത്രങ്ങളുടെ സന്തോഷച്ചിരി മുഖത്ത്‌ നിറച്ച്‌ ദീപ്തി സതി സംസാരിച്ചു തുടങ്ങി...

മലയാളം അറിയാത്ത മലയാള സിനിമ കാണാത്ത ദീപ്തി എന്ത് ധൈര്യത്തിലാണ് 'നീന'യിലേക്കുള്ള ക്ഷണം സ്വീകരിച്ചത് ?