മഴക്കാല ഡ്രൈവ് കരുതലോടെ

മഴക്കാലത്ത് വാഹനം ഓടിക്കുമ്പോൾ ശ്രദ്ധിക്കാം

- 

ഏറെ ശ്രദ്ധയും ക്ഷമയും നൽകി  വാഹനമോടിക്കേണ്ട സമയമാണ് മഴക്കാലം. ചെറിയ അശ്രദ്ധ പോലും വലിയ അപകടങ്ങളിലേക്ക് നയിക്കുന്ന സാഹചര്യം കൂടുതലാണ്. ഡ്രൈവ് ആസ്വദിക്കുന്നതിനൊപ്പം അല്പം കരുതലും പാലിച്ചാൽ അപകടങ്ങൾ ഒഴിവാക്കാം. ഇക്കാര്യങ്ങൾ ശ്രദ്ധിക്കാം:

വേഗത കുറയ്ക്കാം

വാഹനത്തിന്റെ വേഗത കുറച്ച് ഓടിക്കാൻ എപ്പോഴും ശ്രദ്ധിക്കണം. മഴവെള്ളത്തിനൊപ്പം എണ്ണ ചോർന്ന് റോഡുകൾ വഴുക്കലുള്ളതായിരിക്കും. പെട്ടെന്ന് ബ്രേക്കിടുന്നതും സ്റ്റിയറിങ് വെട്ടിക്കുന്നതും വലിയ അപകടമുണ്ടാക്കും. ബ്രേക്കിലുള്ള നിയന്ത്രണം പരമാവധി കുറച്ച് ഓടിക്കാൻ ശ്രദ്ധിക്കുക.