ഔഷധം ദാനം ഹോമം അർച്ചന

എല്ലാവർക്കും ആരോഗ്യമുള്ള ഒരു ശരീരവും മനസ്സും ഭഗവാൻ നൽകി അനുഗ്രഹിക്കട്ടെ.. 

- തരവത്ത് ശങ്കരനുണ്ണി 9847118340

മനുഷ്യരെ സംബന്ധിച്ച ഏറ്റവും വലിയ സമ്പാദ്യം ആരോഗ്യമുള്ള ശരീരവും ഏറ്റവും വലിയ ദുരിതം രോഗവുമാണ്. ഒരു കുടുംബത്തിൽ ഒരാൾ രോഗി ആകുന്നതോടു കൂടി ആ വ്യക്തി മാത്രമല്ല, കുടുംബാംഗങ്ങൾ എല്ലാവരും തന്നെ ശാരീരികമായും മാനസികമായും വളരെയധികം ബുദ്ധിമുട്ടുകൾ അനുഭവിക്കേണ്ടി വരുന്നു.

കുടുംബത്തിന്റെ അടിത്തറയ്ക്കുതന്നെ ഇളക്കം സംഭവിക്കുന്നു. അധ്വാനിക്കുവാൻ മനസ്സും ആരോഗ്യവുമുള്ള ഒരാൾക്ക് ഇന്നത്തെ സമൂഹത്തിൽ കുടുംബം പുലർത്തുവാൻ വലിയ ബുദ്ധിമുട്ടില്ല. പക്ഷേ, ആ കുടുംബത്തിൽ ഒരാൾ രോഗി ആകുന്നതോടുകൂടി കുടുംബത്തിന്റെ താളം തന്നെ തെറ്റുന്നു.

ഒരു വ്യക്തി ജനിക്കുന്നതോടു കൂടി ആയുസ്സും തീരുമാനിക്കപ്പെടുന്നു. അങ്ങനെ ലഭിക്കുന്ന ആയുസ്സ് ആരോഗ്യമുള്ള ശരീരത്തോടെ ജീവിച്ചുതീർക്കുവാൻ കഴിയുന്നത് ഭാഗ്യമാണ്. ചില കാര്യങ്ങൾ ശ്രദ്ധിച്ചാൽ ആ ഭാഗ്യം നമുക്കും സ്വന്തമാക്കാം.

വദാംഗ ജ്യോതിഷം അനുസരിച്ച് പൂർവ്വജന്മത്തിൽ ചെയ്ത പാപങ്ങളാണ് രോഗങ്ങളുടെ രൂപത്തിൽ മനുഷ്യരെ ഈ ജന്മം പിൻതുടരുന്നത്.

ജന്മാന്തര കൃതം പാപം
വ്യാധിരൂപേണ ജായതേ
തത് ശാന്തിരൗഷധൈര
 ഹോമാർച്ചനാദിഭി
എന്നാണ് പ്രമാണം. അതായത്, കഴിഞ്ഞ ജന്മത്തിൽ ചെയ്യപ്പെട്ട പാപം രോഗമെന്ന നിലയിൽ ഈ ജന്മം ജനിക്കുന്നു. അതിന്റെ ശമനം ഔഷധങ്ങൾ കൊണ്ടും, ദാനം, ജപം, ഹോമം, അർച്ചന മുതലായവകൊണ്ടും ഉണ്ടാകുന്നുവെന്ന് അർത്ഥം.