இலங்கை எப்படி பாயும்?

இலங்கை பொருளாதார நெருக்கடியிலிருந்து படிப்படியாக மீண்டு வந்தாலும் பொருளாதார வளர்ச்சியை ஏற்படுத்துவதில் இன்னும் சவால்கள் இருந்துகொண்டுதான் இருக்கின்றன. இந்நிலையில் இலங்கை மிகப் பெரிய பொருளாதார திட்டமிடல் மற்றும் மறுசீரமைப்புடன் பாய வேண்டியிருக்கிறது. இந்தப் பின்னணியில் உலகப் பொருளாதாரத்தில் அண்மைக்காலமாக இந்தியா ஒரு குறிப்பிடத்தக்க அளவிலான பாய்ச்சலை எட்டியுள்ளது. உலகின் நான்காவது மிகப் பெரிய பொருளாதாரமாக இந்தியா உருவெடுத்துள்ளது. இந்த முன்னேற்றத்தில் இந்தியாவில் மிக அருகில் இருக்கின்ற இலங்கை எவ்வாறு பொருளாதார ரீதியாக பயனடையப் போகிறது என்பதே பொருளாதார நிபுணர்களின் கேள்வியாக இருக்கிறது.

- 

சர்வதேச பொருளாதார நிபுணர்களின் கணிப்பின்படி, வெகு விரைவில் இந்தியா முதல் மூன்று பொருளாதாரங்களில் ஒன்றாகவும், பின்னர் இரண்டாவது மிகப்பெரிய பொருளாதாரமாகவும் உருவெடுக்கும் என்று எதிர்பார்க்கப்படுகிறது.

தற்போதைய உலகப் பொருளாதார நிலை

இந்தியா தற்போது பொருளாதாரத்தில் ஜப்பானைப் பின்னுக்குத் தள்ளி முன்னேறியுள்ளது. தற்போதைய சூழலில், உலகின் மிகப் பெரிய பொருளாதாரமாக அமெரிக்கா முதல் இடத்திலும், அதற்கு அடுத்ததாக சீனா இரண்டாவது இடத்திலும், ஜேர்மனி மூன்றாவது இடத்திலும் இருக்கின்றன. நான்காவதாக தற்போது இந்தியா முன்னுக்கு வந்துள்ளது. இதற்கு முன்னர் நான்காவது இடத்தில் ஜப்பான் இருந்தது, ஆனால் தற்போது ஜப்பானை இந்தியா பின் தள்ளி முன்னேறிவிட்டது.

ஜப்பானுக்கும் இந்தியாவுக்கும் இடையிலான பொருளாதார அளவில் மிகப்பெரிய வித்தியாசம் இல்லை. இந்தியாவின் பொருளாதாரத்திற்கும் ஜப்பானின் பொருளாதாரத்திற்கும் இடையில் கிட்டத்தட்ட ஒரு பில்லியன் டொலர்கள் அளவிலேயே வித்தியாசம் காணப்படுகிறது. ஆனால், இந்தியாவின் பொருளாதார வளர்ச்சி வீதம் ஜப்பானின் பொருளாதார வளர்ச்சி வீதத்தை விட அதிகமாக இருப்பதால், அந்த வித்தியாசம் மேலும் அதிகரித்து இந்தியாவுக்குச் சார்பாக இருக்கும் என்று தெரிவிக்கப்படுகிறது.

2024 ஆம் ஆண்டின் இறுதியில் மொத்த தேசிய உற்பத்தியின் அளவின்படி நாடுகளின் பொருளாதார நிலைமையை பின்வருமாறு பார்க்கலாம்.

பொருளாதார வளர்ச்சி வீதம் அதிகமாகவே இருக்கிறது. எனவே, இந்தியாவின் பொருளாதாரம் வெகு விரைவில் மூன்றாவது இடத்திற்கு செல்லும் என்று எதிர்பார்க்கப்படுகிறது. ஜப்பானின் வளர்ச்சி வீதத்தை பார்க்கும்போது இந்தியாவை விரைவில் நெருங்க முடியாது என்பது தெளிவாகிறது. சர்வதேச பொருளாதார நிபுணர்களின் கூற்றுப்படி, 2050ஆம் ஆண்டளவில் சீனா உலகின் முதலாவது பொருளாதாரமாகவும், இரண்டாவது நிலையில் இந்தியாவும் உருவெடுக்கும். அமெரிக்கா மூன்றாவது நிலைக்குத் தள்ளப்படும் என்று எதிர்வு கூறுகின்றனர். அதற்கான பொருளாதார ரீதியான சமிக்ஞைகளும் குறிகாட்டிகளும் தற்போது காணப்படுகின்றன. ஆனாலும், தற்போதைய சூழலில் அமெரிக்கா தான் உலகின் முதலாவது மிகப் பெரிய பொருளாதாரமாக இருக்கிறது. அடுத்ததாக சீனாவும், மூன்றாவதாக ஜேர்மனியும், நான்காவதாக தற்போது இந்தியாவும் இருக்கின்றன.