இலங்கை வானொலியில் எழுத்து, நடிப்பு, அறிவிப்புத்துறைகளில் சாதனை படைத்த

இலங்கை வானொலி நிலையம் இவ்வாண்டு டிசம்பர் மாதத்தில் நூற்றாண்டை நிறைவு செய்கின்றது.

- 

நூற்றாண்டுக்குள் நூற்றுக்கணக்கான ஒலிபரப்பாளர்கள், வானொலிக் கலைஞர்கள் இந்த நிறுவனத்தில் பணியாற்றிச் சென்றிருக்கிறார்கள், பணியாற்றியும் வருகிறார்கள்.

இன்றைய தொழில்நுட்ப யுகத்துக்கு முன்னரான காலத்தில் பணியாற்றியவர்களை அணுகிச் சென்றால் அவர்கள் சொல்வது, அவர்கள் காண்பிப்பது என்பன இன்றைய காலத்திற்குப் பொருந்தவே பொருந்தாது.

மேலைநாட்டு ஊடகங்கள் முதிர்ச்சி அடைந்து விட்ட தங்களின் பணியாளர்களை முற்று முழுதாக ஒதுக்கி வைத்துவிடுவதில்லை. வரலாற்று முக்கியத்துவம் வாய்ந்த விடயங்களின் பொழுது முதிர்ச்சி அடைந்து ஓய்வு பெற்றுள்ளவர்கள் முன்னிலைப்படுத்தப்படுவார்கள்.

அவர்கள் மிக லாவகமாக விடயங்களை எடுத்து விளக்குவார்கள். யாவும் ஆதரபூர்வமாக உண்மைத்தன்மையுடன் எடுத்துரைக்கப்படும். ஆனால், எமது ஊடகத்தினர் ஓர் ஆற்றலாளருக்கு வயதாகிவிட்டதெனில் அவரால் எதுவும் இயலாது என்ற கருத்தைக் கொண்டிருக்கின்றனர். பராமுகமாக இருந்து விடுகிறார்கள்.

வாழ்பவர்கள் எல்லோரையும் முதுமை ஆட்கொள்ளும் என்பதைப் புரியாதவர்களாக தமிழ் ஊடகங்களை நிர்வகிப்பவர்கள் இயங்கி வருகிறார்கள்.

இன்றைய கலையரங்கத்தில் மாண்பேற்றம் பெறுபவர் 2000ஆம் ஆண்டில் பவளவிழா கொண்டாடி மகிழ்ந்த, தற்போது அமுதவிழா காணுவதற்குரிய இலங்கை வானொலியின் முன்னாள் கலைஞர் ஜி.பி.வேதநாயகர்.