కాళ్లకు రెక్కలే పర్యాటక దిక్కులు

ఆధునిక సమాజంలో శాస్త్ర సాంకేతిక రంగాల అభివృద్ధి రవాణా కమ్యూనికేషన్ల వృద్ధితో 'ప్రపంచమే ఒక కుగ్రామంగా' మారిన పరిస్థితిని మనం చూస్తున్నాం.

- కవర్ స్టోరీ బండారు రామ్మోహన రావు

ఆధునిక సమాజంలో శాస్త్ర సాంకేతిక రంగాల అభివృద్ధి రవాణా కమ్యూనికేషన్ల వృద్ధితో 'ప్రపంచమే ఒక కుగ్రామంగా' మారిన పరిస్థితిని మనం చూస్తున్నాం. ఈ నేపథ్యంలో ప్రపంచ పర్యాటక రంగంలో మన భారతదేశ స్థానం ఎంత అందులో మన తెలుగు రాష్ట్రాల పర్యాటక రంగం ఎలా పుంజుకుంటుంటోంది.. అనే అంశాలతో కూడిన ఈ వారం ప్రత్యేక వ్యాసం.

"కుదిరితే పరిగెత్తు లేకపోతే నడువు. అదీ చేతకాకపోతే పాకుతూ పో. అంతేకానీ... అలా కదలకుండా ఒకే చోట ఉండిపోకు" నీవు పడుకున్న పరుపు చీదరించుకోకముందే పరిగెత్తు, నడువు, పాకుతూ పో అంతేకానీ ప్రయాణాన్ని ఆపకు" అంటారు మహాకవి శ్రీశ్రీ...

జీవన ప్రస్థానంలో మనిషి సంచార జీవి. మనిషి సంఘజీవి. సంచార జీవితం కూడా అందుకే ప్రపంచ వ్యాప్తంగా అనేక మంది యాత్రికులు ఆనాడు ఎలాంటి సౌకర్యం లేని పరిస్థితులలో చైనా నుంచి ఒక ఫాహియాన్ చంద్రగుప్త మౌర్య పాలనలో భారతదేశాన్ని సందర్శించిన తొలి చైనీస్ బౌద్ధ యాత్రికుడు.

భారతదేశంలో బౌద్ధ సంస్కృతి, గుప్త సామ్రాజ్యం గురించి తన పుస్తకం 'రికార్డు ఆఫ్ ది బౌద్ధ' రాజ్యాలు అనే గ్రంథంలో వివరించారు. ఆయన పర్యటనలో ‘లుంబిని' సందర్శనకు ప్రత్యేకంగా ప్రసిద్ధి చెందారు. ఒక హ్యూయోనత్సంగ్, ఏడవ శతాబ్దంలో హర్షవర్ధనుడి పాలనలో భారతదేశాన్ని సందర్శించారు. బౌద్ధ లిపిని సేకరించాలనే లక్ష్యంతో భార దాదాపుగా 15 సంవత్సరాలు గడిపాడు. తన అనుభవాలను "ద రికార్డ్స్ ఆఫ్ ద వెస్ట్రన్ వరల్డ్ అనే పుస్తకంలో నమోదు చేశారు. మరొక చైనా యాత్రికుడు 'ఇత్సింగ్' క్రీస్తు శకం 670లో భారతదేశాన్ని సందర్శించారు. నలంద విశ్వవిద్యాలయం గురించి ఆయన అద్భుతంగా వివరించారు. ఇది ప్రపంచ పర్యాటకులను భారతదేశ పర్యాటక స్థలాలుగా ఆకర్షించిన విషయంగా చెప్పుకోవచ్చు.

తీర్థయాత్రలు